السبت، 23 مايو، 2009

الصداقه + القهوة = متعه الحياة

ياما حلا الفنجال مع سيحة البال ..... في مجلس مافيه نفس ثقيله ... <ادري انه جاي كذا بس له دخل بالموضوع ..خخخخ

اي والله يازين الفنجال مع الناس الطيبين المرحين اللي نفسهم خفيفه وروحهم تعطيك دفعة اولى من الاقساط اقصد دغعة معنويه وتتمنى يطول الوقت معها .... والله يا اخوان ان لانسان اذا كانت اخلاق عاليه وروحه تحب الضحك والمزح الخفيف وفي وسط سوالفهم يذكرون بآيات الله وأحاديث المصطفى صلى الله عليه وسلم ... مايمنع بعد بقليل من الدسم (نكت ) خفيفه وكل شخص يسأل عن الثاني .. وان طلب فزعة لباها .... اخير من الشخص اللي عكس ماذكر وبما ان الكلام يجر الكلام هذي ابيات لشخص عزيز على قلبي احببت ان اكتبها هنيا ....



بعض العلوم يجف من دونها الريق

وبعض العلوم يجف ريقي وراها

كحلت عيني من وجيه المطاليق

للساعه اللي يثني من عصاها

ويومي زبنت العين في موقف الضيق

حصلت من كحل طرفها عماها

بعض اللحى عز في وجه المطاليق

وبعض الوجيه اكبر خزاها لحاها

يغرك ازوال الرجال المطافيق

لو انها ماتختلف عن نساها

هزايلن تلهث ورى الهرج وتضيق

من قبل تخلق والزمان يهاجاها



وبالهمناسبة حبيت اعزمكم على قهوة طيبة وهذا الله يسلمكم الصورة الاولى شغل ايديا وهي كانت بمقر العمل من قهوة ماكنا احنا اربعة اشخاص مشافيح على القهوة قمت وزينتها بس وقتها عاد طفت الكاميرا ومامداني اصور الدله والفناجيل ... صب القهوة للرياجيل يا...

اما الثانية فهي من شغل اختي بالبيت طبعا فقلت هذي تعويض عن اللي راح من مواقف تعوض وسموا على قهوتكم ويالله حيهم .... ارحبوا ارحبوا ....











هناك 12 تعليقًا:

  1. صح لسانك ، فالك الجنة .

    الحين هذي ميب دلتنا اللي نسوي فيها القهوة؟ ودي اروح اشيك على المواعين بس مشاور، طيب وشو ذا الشي اللي بالزاوية اللي لونه أخضر هي ثلاجة <<< ياحبني للفضايح ماعندهم ثلاجة

    بس والله صحيح ياحلو الجلسة مع ناس قلوبهم صافيه من الحسد والحقد والكره .... الله يديم الألفة بينكم ويكفيكم شر العيون والنفوس الخبيثة.

    فتاة الثلاثين

    ردحذف
  2. صح بدنك ياخيتي وفالك الفردوس ان شاء الله
    الحين مافي هالبلد الا هالولد .... لا او بدلتكم هذي جايبها واحد من عيال الجبيل
    وبعدين وشو اللي لونه اخضر مافي شي لونه اخضر هههههههههههه لا والله ماعندنا ثلاجه ثلاجتنا المكيف خخخخخخخ
    اي والله النفس الطيبه مكسب

    مرسي اختي على زيارتك
    كنبغيك اختي بزاف بزاف بزاف

    ردحذف
  3. اولا بصراحة الكاسات والترتيب اخد عقلي وه فديت الشاطرة الي مسوية ومرتبة.ادري انها اختك قلت ان اختك تحب الاتكيت.
    ماشاء الله تبارك الرحمن.
    اما بخصوص الصورة الاولى الابريق باين انه معتقل سياسي عندكم باين انه تمارس عليه اشد انواع العداب.....
    اما بخصوص اللمة الحلوة والله انك صادق مافي اجمل من القلوب النضيفة الصافية الي مافيها حقد.
    القصيدة تجنن .
    ودمتم بخير.
    والسلام عليكم

    ردحذف
  4. من ناحية معتقل الله يكفي الشر اكثر من معتقل غوانتنامو هههههههههههه
    اما اللمه الحلوة ياربي لاتقطعها وتكفينا شر الحساد
    دام عزك ونبضك ملح الحياة

    ردحذف
  5. صح لسانك وبدنك وكلك

    ويامحلا فنجال القهوه مع الجلكسي >>>امسكي الارض :)

    مو بس القهوه الي تحلا مع النفوس الطيبه كل شي يحلى حتى المويا

    تدوينه ممتعه كل الود

    ردحذف
  6. صح لسانك
    الجلسة الطيبة و الممتعة هي اللي تكون مع ناس تفتح النفس سواء بحديثهاالممتع او بروحها المرحة او بأخلاقها العالية

    بصراحة صحن الحلاوة يشهي
    ما شاء الله تبارك الله على أختك ( ست بيت بصحيح)

    تحياتي

    ردحذف
  7. دلال:
    صحدنك وحضورك اسعدني
    يامحلا الفنجال مع رولو امممممممم
    تحيتي وودي
    ...............

    برنسيس:
    صح بدنك... وفعلا الناس الطيبه هي الي تحلي اي شي قدامها
    عليك بالعافيه الصحن
    ماشاء الله عليك يا اختي

    ردحذف
  8. اولا احب اقولك اخوي اقرا على اختك
    اهم ما بالقعدة والسوالف دلة القهوة
    اضيييع بالزوارة بدونها
    وامتحلى الا بالوجيه الطيبة الي تقعد معاك
    بدال الحلى :)

    عساه مقعد ما ينمل :)

    ردحذف
  9. بسم الله على اختي ان شاء الله مافيها الا العافيه فديتها انا ...
    اي والله يازين القهوة ياويلي ويلاه
    من ناحية الزواره هذي عندكم انتم يالحريم عليكم سوالف ....

    ردحذف
  10. هلااااع ...
    أخبارك؟
    صح لسانك ..
    التصوووير في قمهـ الروعهـ
    أبدعت ..
    "رزان"

    ردحذف
  11. وقصم قصمات انك راعي فله وعلومن سنعه

    فيه سؤال يدور ويحوس في مخيلتي >>>متعوب عليها هعن

    لمازا السلم الخشبي اللي مدري شلون قايل رازينه فيذا ؟

    وصح لسانك ع الابيات القميله وفالك المليون

    وشووقرن

    ردحذف
  12. هلا رزان
    انا بخير من الله
    صح بجنك
    الروعه مرورك
    ...........
    اوتار : العتب على النظر مب عليك
    هذا اوب سلم هذا كرسي من العصر الحجري
    صح بدنك

    ردحذف