الأربعاء، 20 مايو، 2009

مسافره

أمس الثلاثاء في تمام الساعه 1.20 تحركنا من عند البيت وكان معي الحنونه (امي) الله يرجعها لنا بالسلامه ويديم عليها الصحه والعافيه ولايورينا فيها اي مكروه ولا كل الحنونات يارب .. المهم كانت امي تبي تروح لمسقط رأسها اول شي لتقوم بواجب عزاء ثم تزور خواتها وقرايبها وثمن تشوف لها علاج عن الم المفاصل ياجلعني فدوتك يا يمه .... وانا اللي اقوم واوديها وسافرنا ذاك الطريق اللي يجيب المرض واحنا بالطريق سولفنا وبعدين شغلت الراديوا على اذاعة القران وكان فيه شيخ يذكر قصص وجلسنا نسمع المهم لغاية ماوصلنا وامي الله يخليها لنا ويخلي لكم امهاتكم ... تدري اني مدمن ...امممممممم ... مدمن قهوة كانت تقول كان جبت لك دلة قهوة وياك ... ويوم وصلنا بسلامة الرحمن ورحنا بيت خالتي بما انها اكبر اخوان امي فالمتعارف عليه ان اللي يروح هناك لازم يبيت عندها عسى الله يطول بعمرها ويجعل بيتها عامر بوجودها يارب ....المهم وعقب ماصليت الفرض وانا اللي نويت ارجع للدمام وتجي الحنونه تقول اسوي لك دلة قهوة قبل ماتروح ... فديتها هالام ...قلت لا يمه ياجعلك سالمه كاس يكفي المهم قالت تركد ياولدي الله الله على روحك انتبه لاتسرع واذا وصلت دق علي وطمني قلت تامرين امر يالغاليه ..
والله بصراحه ودي اتكلم عن امي بس اخاف ... اقصر في حقها بالكلام ... الام مايوفي حقها مجلدات .... فديتك يايمه ....
تحب الكل صغير وكبير ماتحقد على احد ولاتشيل على خاطرها من احد قلبها ابيض ومفتوح للجميع ماترفض احد يلجأ لها بعد الله وتسمع شكاوي الناس في عيالهم في زوجاتهم في ازواجهم في جيرانهم في كل شي ...
طبعا امي ماتعلمت في مدارس ولا حتى كتاتيب من اول... تعلمت من الحياة ... لكن تعرف احكام شرعيه واحاديث وقصص من السنه (قولوا ماشاء الله ) لكن كانت اذا شافت في التلفزيون اي شيخ يتكلم عن اللي مايحفظ القران تقول الله يغفر لامي وابوي اللي ماعلمونا ولا ودونا الكتاتيب ... وش خانة الانسان الي ماتعلم ... العمي ماهو عمي شوف العمي عمى قلب ... اللي مايعرف يقرا مصيبه ... ولما اشوف اعمالها اتعجب واقول عمرنا ماراح نوصل لمستواها ابدا ... تقوم الليل وماتنام ابدا الا اذا صلت القيام كل يوم ... تحرص على صيام النوافل ... تحرص على الصدقات .... تحرص على التواصل مع الجميع ... يعني عادي جالسين كلكم تسولفون وتذكرت احد عادي يعني تقوم وتقول اتصلوا على فلان من زمان ماكلمته .....
انا اتعجب من الشخص اللي يزعل امه او يرفع صوته عليها او يرفض لها طلب او .. قسم بالله اني انفجر غضبا لما اسمع عن احد مزعل امه لو بكلمه او مزعلها ... وحزتها ودي اقوم امغطه لين يحب الارض ويعرف ان الله حق وان هذي امه لو تدوس على راسه مايفتح ثمه بكلمه ... بس عساني ماسمع عن احد انه مسويها ....
والله صعب يا امي اني اكتب عنك لانك اكبر من كل كلمه ومن كل حرف بهالدنيا ...
الله يطول لنا بعمرك على طاعته ويزيدك الايمان ويعطيك الصحه والعافيه ولايحرمنا منك .. الله يجعلنا بارين فيك انتي وابوي ولايحرمنا منكم ولايحرمنا اجركم ...
ابوي بعد له حق عليه بس والله صعب اكتب عن الاثنين في وقت واحد يخوني التعبير واخاف اقصر مع واحد فيهم لكن راح احاول في وقت ثاني ان شاء الله ...
بصراحه خنقتني العبره وانا اكتب هالبوست ماقدر اكمله ...
الله يردك لنا سالمه وغانمه يا أم الخير كله يا الحنونه ...

هناك 13 تعليقًا:

  1. وش واقولك يا شاب احساسك راقي جدا وعالي وكبير يعني بصراحة.نزلت دموعي وانا اقرأ وخصوصا وان امي مسافرة بعد اسبوعين.
    كلامك مستحيل اعلق عليه لانه شي يتعدى مستوى التعليق.

    >اللهم اغفر لهم وعافهم واعف عنهم وارحمهم رحمةً
    >تغنيهم عن رحمة من سواك
    >
    >اللهم ارزقهم قبل الموت توبة ومغفرة وعند الموت
    >شهادة وبعد الموت جنة وسعادة
    >
    >اللهم ارزقهم عيشةً هنيةً وميتةً سويةً ومرداً غير
    >مخزٍ ولا فاضح
    >
    >اللهم أعتقهم من النار..اللهم احسن خاتمتهم وتوفهم
    >وأنت راضٍ عنهم يا رباللهم و ادخلهم جناتك بلا حساب
    >ولا عذاب برحمتك يا أرحم الراحمين
    >
    اللهم امين يارب
    تقبل مروري.

    ردحذف
  2. امي انا بعد بتسافر يوم اليمعه من الللحيين قاعده أحاتي :( الله يرجعها ورجع كل ام بيتها سالمه غانمه :)
    الام = الحياه :)
    بوست رائع

    ردحذف
  3. ياعل عينك ماتذوق فراق امك
    ربي يخليها لك ويحفظها من كل شر
    عساك تكون ذخر وسند لهم في كبرهم

    ردحذف
  4. ملح الحياة :
    اللهم امين الله يتقبل دعاك ولايحرمك الاجر ...

    ...........

    moroojia :
    اول شي ماعرفت اقرأ اسمك .... ههههه
    ثاني شي الله يوصلها للمكان اللي تبيه ويردها لكم سالمه غانمه ..
    فعلا الام هي اساس الحياة
    اسعدني تواجدك في بيتي ...

    ..........................ز
    كبرياء انثى :
    امين ولا اياك ولا كل عبد مسلم يارب
    ويخلي لك اهلك ومن يعز عليك
    ....
    اسعدني تفاعلكم وزيارتكم لي جميعا ....
    تحيتي وودي لكم
    ...

    ردحذف
  5. آه ياقلبي ، جعل ربي يجعل يومي قبل يومها ويطول بعمرها على طاعته

    ولا تكتب عن ابوي شي أخاف عليه من العين ناقصين احنا بعد
    الله يخليهم لنا يارب

    فتاة الثلاثين

    ردحذف
  6. بسم الله على قلبك ياخيه
    امين الله يحفظهم ويطول بعمارهم على طاعته يارب
    ....

    ردحذف
  7. لا اعلم ماذا اقول و ماذا اعلق فما كتبت تذرف له العينان
    سلمت اناملك
    كم انا فخوره بوجود شباب مثلك

    ادامكم الله لبعض و اعانك على برها و طاعتها

    تقبل تحياتي

    ردحذف
  8. princess :
    اسعدني مرورك وتواجدك وسلمك الله
    ونحن ايضا لابد لنا ان نفخر بوجود الانثى البارة والقائمة بواجبها تجاه الوالدين
    ادامك الله لاحبابك واعانك على طاعته

    ردحذف
  9. جزآك الله كل خير ،


    عجزت أكتب أكثر ،

    أختكمـ :

    smile !

    ردحذف
  10. اولا ثلام ..
    اصلا الأم مستحيل توفي من حقها مهما سويت ومهما كتبت .
    الله يخلي لنا امهاتنا
    والله يطوول في عمر جداتنا يااارب ..
    شاكر لك مشاعرك الطيبه ..

    ردحذف
  11. الله يرجعك امك بالسلامة ويرجعها سالمة غانمة

    الله يشفيها ويشفي امي قول اميين

    امي لها بالجوف منزلة ......

    تحياتي
    ولد السلطان

    ردحذف
  12. الله يطمنك على امك و على من تحب ويحفظها لك ويحفظك لها ويجمعكم في الجنة

    اعجبتني مدونتك مررررررررررررة احس انك رايق و انت تكتب ههههههههه

    الله يوفقك ويسعدك.

    ردحذف
  13. ويطمنك على حبايبك ياخوي سعيد ( بو سعديه ) هذا لقبك عندي هههه ... وانا اعجبني اسلوبك ياسعيد
    الله يوفقك يادكتور ...

    ردحذف