السبت، 17 أكتوبر، 2009

تصاوير 8

السلام عليكم ورحمة الله وبركاته
اسعد الله اوقاتكم بكل خير وسعادة وطاعة ..
كما تعودنا من قبل مجموعة صورة ولكل صورة موقف او قصة ....
نبدأ على بركة الرحمن ...
هذي الصورة لصالة شقه بعد صبغها وتعديلها ...
أما هذي الصورة قصتها دائمة ... امي الله يطول بعمرها وعمر أمهاتكم ... دائما تحط الحاجه اللي تحت في الصورة .. وهي عباة عن ..
ريحان .. وفي رواية اخرى مشموم ... + وردهـ واحيانا ياسمينه واحيانا فلة .. بضم الفاء .... وتحط الحاجات هذي في كل قرنة وفي رواية اخرى في كل زاويه ... وعلى الطاولات وكدا يعني .. المهم انها من انتاج البيت قولوا ماشاء الله ...

اما الشي اللي تحت هالكلام ... هذا من انتاج او بمعنى اصح شغل المطعم اللي ذكرنا في بوست سابق افتتاحه ... المهم طلب مني صاحبي ورفيق دربي صاحب المطعم اني اصور بعض الاكلات الجديده بالنسبة للسوق ونادرا المطاعم تعملها .. كان من ضمنها هذا الشيء اللي اسمه .. رطب رطق ... بكسر الطاء .... المهم بعد التصوير نزلت الصور على فلاش ميموري عشان عندهم خطة انهم يعملون بروشور للاكلات الجديده يتضمن الصور ... المهم يوم انه راح للمطبعه وشافها السوداني هههههههه قام يقوطر الله يهديه زين انه ماخرب الصور بس ههههههههه المهم السوداني ماتحمل شكل الصورة ودايركت على المطعم وعلى طلب الاكله وبالهناء والعافيه ...


هذي الصورة قبل كم يوم بس كنت صاحي من فجر الله عشان نوصل احباب قلبي لمدارسهم ... المهم يوم اني رجعت ابى النوم يكون مرافق لي في ذيك اللحظه .. المهم وتمسك معاي الا اشتغل في حديقتي الصوغيرة ويوم خلصت شغل الا تمسك على التصوير .. وطلعنا بعدة صور طيبة لكن نكتفي بذي وهي اهداء لكل من مر من هنا ...






الخميس، 8 أكتوبر، 2009

تمت الفرحة

السلام عليكم ورحمة الله وبركاته
اول شي اقول ...:
بارك الله لكما وبارك عليكما وجمع بينكما في خير ...
احمد الله على ان متعنا بتعدد الافراح لدينا في العائلة وكذلك لمن نعرفهم من الجيران .. اللهم لك الحمد حتى ترضى ولك الحمد اذا رضيت ولك الحمد بعد الرضى ...
تم بفضل من الله الفرح وكانت خطوبة واسأل الله ان يتمم عليهم بكل خير وييسر امرهم ويكفيهم شر الحاسدين ...
فبطبيعتي الملقوفه صورت الكوشة عدة صور لكن اقتصر هنا على صوره واحده ... والثانيه لنفس الصورة لكن بعد التعديل .... وانتظر ارآء المصورين المبدعين للانتقاد ..لنتعلم ونصبح مثلهم مبدعين ^_^ .... اترك لكم المساحة
هنا بعد التعديل بـ HDR