الأحد، 30 يناير، 2011

تصاوير 23

بسم الله الرحمن الرحيم

اسعد الله اوقاتكم بكل خير ومسره .. وابعد عنكم كل سوء ومكروه ..

كانت لي زيارة للمشاتل الزراعية الواقعة على طريق الظهران الجبيل .. لشراء بعض النباتات .. صادف وجودي في احد المشاتل وكان بجانبه حديقة ( اشك في مسمى حديقه ) للحيوانات .. ولحسن الحظ كانت كاميرتي مرافقه لي .. قررت الدخول لهذه الحديقه وندمت على بعض الشيء على دخولي ذلك المكان .. لما رأيته من سوء ترتيب وانشاء اقفاص ( سجون ) بطريقه عشوائية .. لن اطيل عليكم شرح مافي نفسي من حرقة على مارأيت .. اكتفي بهذا القدر .. لعله في يوم من الايام تتغير للافضل ..


اوجعني حزن هذا الطائر المغرور وشعرت بتساقط الوانه الزاهية من خلف القضبان


كأني بهذا الكائن الجميل يحاكيني ( بالله عليك يا طموح هذا مكاني ؟ )


شرايك فيني وانا متأقلمه على الوضع وواقفه بكل شموخ ..!!!



محاولة لا اعرف مداها ولا ماهي ..!


كانت هدية بسيطه لإحداهن ..



بابليون من درعه



جورية من نتاج مزرعتي الصغيرة ..

** ملاحظة لا انصح احدا بزيارة حديقة الحيوانات وذلك لوجود اشباك واشباك فوق اشباك .. !!! فهمتوني ..؟

الجمعة، 21 يناير، 2011

من بعد طول المغيب ..

بسم الله الرحمن الرحيم
سلام من الله عليكم ورحمة منه وبركه ..
اسعد الله صباحـ / مساءكـ ــم جميعا ..
شلونكم .. شخباركم .. وش مسوين .. وكيف التدوين بدوني .. ^_^ ( واثق من نفسه الحبيب ) ..
والله اني فقدت المدونة بشكل كبير ولها شوق خاص عندي وافتقدت زياراتي للجميع .. ( طبعا محد فقدني الا شخصية واحده فقط بدون ذكر اسماء ) > _< المهم ماعلينا ..
فترة غياب اعتبرها طويلة جداا لكن كانت لطلب العلم والامتحانات والحمد لله خلصنا منها ولكن قلوبنا اصبحت مشغولة اكثر من السابق لانتظار نتائج ماقدمناه من اعمال .. !! واسأل الله العظيم ان يكتب التوفيق والنجاح لي ولكم ولكل من يطلب العلم ..
وبما اني كنت منقطع عن التدوين وعن كل شي حبيت اجدد نشاطي وعهدي بالتدوين اولا ثم نشحذ الهمه في العودة لهواية التصوير .. ولغيرها من المواضيع والاطروحات ..
فاليوم جايب لكم مجموعة صور تم التقاطها بواسطتي كاميرتي العزيزة والموقرة .. من أشخاص متعددين .. كانت تتنقل بين ايديهم ..
وكالمعتاد شرح مبسط عن الصورة .. ونبدأ على بركة الرحمن ..
ياما حلا الفنجال مع سيحة البال .. من التقاط اخوي بو مساعد ..

هذا الشي اللي فوق هالسطر خطيييييييييييييييييييييييييييير جدااا تسلم يدينك ياخيتي وعسى الله يسعدك ويحقق مناك .. طلبته منها وماقصرت ياجعلني مابتسيها .. وياجعل عظامتس ماتارد على النار .. ( قلب بنض حبا لهالادمية فديتها ) ..



احلى تشكيلة من كرسبي كريم .. هذي ايام الاختبارات


هذي من تصوير اختي .. كنت طالع من البيت ورايح على ما اظن اختبار او شي كان وقت العصر .. ولما شفت الجو والسحب والالوان الربانية بغيت اصيح .. واتصلت عليها وقلت لها تصور .. والحمد لله انها طاوعتني وصورت والا مدري وش كان صار فيني .. *_*


وهذي بعد من تصويرها .. فديتها


وهذي ايضا ..


هذي من تصوير على ما اظن اخوي نايف .. قبل فترة تقريبا شهر ..


وهذي من تصوير بو دلال ..


الى هنا اختم تدوينتي البسيطه واللي اتمنى انها تعجبكم اولا .. وانها تحرك مابداخلي وتيقظ النائم .. ثانيا ..
اترككم في رعاية ربي وحفظه ..