الجمعة، 21 يناير، 2011

من بعد طول المغيب ..

بسم الله الرحمن الرحيم
سلام من الله عليكم ورحمة منه وبركه ..
اسعد الله صباحـ / مساءكـ ــم جميعا ..
شلونكم .. شخباركم .. وش مسوين .. وكيف التدوين بدوني .. ^_^ ( واثق من نفسه الحبيب ) ..
والله اني فقدت المدونة بشكل كبير ولها شوق خاص عندي وافتقدت زياراتي للجميع .. ( طبعا محد فقدني الا شخصية واحده فقط بدون ذكر اسماء ) > _< المهم ماعلينا ..
فترة غياب اعتبرها طويلة جداا لكن كانت لطلب العلم والامتحانات والحمد لله خلصنا منها ولكن قلوبنا اصبحت مشغولة اكثر من السابق لانتظار نتائج ماقدمناه من اعمال .. !! واسأل الله العظيم ان يكتب التوفيق والنجاح لي ولكم ولكل من يطلب العلم ..
وبما اني كنت منقطع عن التدوين وعن كل شي حبيت اجدد نشاطي وعهدي بالتدوين اولا ثم نشحذ الهمه في العودة لهواية التصوير .. ولغيرها من المواضيع والاطروحات ..
فاليوم جايب لكم مجموعة صور تم التقاطها بواسطتي كاميرتي العزيزة والموقرة .. من أشخاص متعددين .. كانت تتنقل بين ايديهم ..
وكالمعتاد شرح مبسط عن الصورة .. ونبدأ على بركة الرحمن ..
ياما حلا الفنجال مع سيحة البال .. من التقاط اخوي بو مساعد ..

هذا الشي اللي فوق هالسطر خطيييييييييييييييييييييييييييير جدااا تسلم يدينك ياخيتي وعسى الله يسعدك ويحقق مناك .. طلبته منها وماقصرت ياجعلني مابتسيها .. وياجعل عظامتس ماتارد على النار .. ( قلب بنض حبا لهالادمية فديتها ) ..



احلى تشكيلة من كرسبي كريم .. هذي ايام الاختبارات


هذي من تصوير اختي .. كنت طالع من البيت ورايح على ما اظن اختبار او شي كان وقت العصر .. ولما شفت الجو والسحب والالوان الربانية بغيت اصيح .. واتصلت عليها وقلت لها تصور .. والحمد لله انها طاوعتني وصورت والا مدري وش كان صار فيني .. *_*


وهذي بعد من تصويرها .. فديتها


وهذي ايضا ..


هذي من تصوير على ما اظن اخوي نايف .. قبل فترة تقريبا شهر ..


وهذي من تصوير بو دلال ..


الى هنا اختم تدوينتي البسيطه واللي اتمنى انها تعجبكم اولا .. وانها تحرك مابداخلي وتيقظ النائم .. ثانيا ..
اترككم في رعاية ربي وحفظه ..

هناك 20 تعليقًا:

  1. ماطلبت شي ياعين ابوي
    ويمينك سالمه ....

    عسى الله يوفقك ويحفظك

    ردحذف
  2. الله يوفقك أخي
    الصور رائعة
    واتمنى ان يوقض النائم بداخلك وداخلنا

    ردحذف
  3. طيب لو قلت لك فقدتك .!

    عليكم السلام ورحمة الله وبركاته ..
    صباحك سعيد ياغالي

    ردحذف
  4. اخيتي ..
    اللهم امين .. واياك ان شاء الله
    فديت راسك

    ردحذف
  5. فجر الامل
    مرحبا بك ..
    اللهم امين والتوفيق ان شاء الله فالنا وفالك ..
    وان شاء الله نخرج بالجديد .. هي مسألة وقت فقط لا اكثر ..

    ردحذف
  6. احساس ..
    ماتفقد غالي ياخوي ..
    لكن انت اللي فقدناك من جد ..
    عسى لله يوفقك

    ردحذف
  7. روعه الا افتقداك ش دعوا

    ردحذف
  8. وعليكم السلام ورحمة الله وبركاته

    ان شاء الله كلنا ناجحين ناجحين

    ويعطيك العافية على الصوره الاخيره

    جداً تذكرني في ثوبي الي احترق خخخخخخ

    ردحذف
  9. فوفو
    الاروع تواجدك
    مانفقدين غالي ..

    ردحذف
  10. بو سعود
    هلا بك دايم
    الله يكتب التوفيق لنا ولك ولجميع الطلاب

    ردحذف
  11. اهلا وسهلا..
    أول تابعت مدونتك وصورك بهدوء... والآن اترك ردي هنا اعجابا بما تسطره لنا وبالصور الرائعه...

    ماعلينا... الصراحه من الصوره الاولى توقض النائم اللي بداخلنا هع... أهني اخوك بو مساعد على الصوره وعلى كوب القهوة وثم تتبعها بصورة حلى بيت وحلى كريسبي كريم.. الصراحه حتى بطني بدا يسولف معي...

    تحياتي لك~~

    ردحذف
  12. هلا بك اخوي فيصل
    شرف لي متابعتك الهادئة .. وازددت شرفا باعجابك ..
    اما عن ايقاض النائم من الصورة الاولى لقد وجدت اتفاقا بيني وبينك غير متفق عليه !! في ادمان القهوة ( قلوبنا ترجف رجفا من حبها )
    تقديري لك ولمتابعتك ..
    مرحبا بك دوما

    ردحذف
  13. حلوة الصور ما شاء الله وخاصة صورة الغيوم

    الله يوفقك ياخوي وإن شاء الله تفرح بالنتايج الحلوة :)

    ردحذف
  14. مساء الخير

    بعد غياب استمر لاكثر من عام عن التدوين
    ارجع لاضع اول تعليقاتي في هذه المدونة التي لطالما
    تابعتها وانتظرت لقطاتها التي لم تفقدها روعتها
    رغم غياب صاحبها هي الاخرى

    الحمدلله على السلامة وبالتوفيق

    ردحذف
  15. اختي امواج ..
    الاحلى هو متابعتك وتواجدك الدائم ..
    والتوفيق فالنا وفالك

    ردحذف
  16. كبرياء انثى ..
    مساك سعاده
    الحمد لله على سلامتك .. عودا حميدا .. وننتظر ابداعاتك وجديدك ..

    ردحذف
  17. أولآ لك فقدةٍ وفقدنا
    النصايح والصور والمواضيع
    وصرآحـــة صور السحب
    يثيــر في النفس شيٍٍٍٍٍٍٍٍٍ ٍ وإحساس غريب
    رائـع ننتظـر عودتكـ وبقوة

    ردحذف
  18. ريم ..
    ماتفقدين غالي .. ان شاء الله نعود لسابق العهد ..
    لكن هي مسألة وقت احتاج الى ترتيب اوراقي واوضاعي .. فقط ..

    ردحذف
  19. الأخ الفاضل :: شاب طموح ::
    الحمد لله على السلامة
    صور جميلة
    ويبدو أن العائلة الكريمة يجري في دمها
    موهبة التصوير

    أحلى الماني ،،)

    ردحذف
  20. استاذي الفاضل بو سعد ..
    سلمك الله وابقاك واعانك ..
    الاجمل متابعتك وتشجيعك ..
    نشرت فيهم داء حب التصوير ..
    ولك مثل ماتمنيت

    ردحذف