الأحد، 3 مايو، 2009

مجلسنا




يا الله اليوم صراحه شي عجيب وناسه الواحد يروح العمل وهو كان عنده اوف من العمل (لغير الناطقين باللهجه الشرقاوية يعني اجازة ) وبصراحه يعني ماكان ودي ارجع اداوم ياليت هالاوف يطول يالله ياهي تصير علوم ياهي تصير سوالف .. سوالف ووناسه ..وناسه وسوالف .. رايحين ورادين ... وسوالف ووناسه ...




المهم عاد انا يوم اني رجعت من الدوام وبعد مادلفت الى بيتنا .. حلوه هذي دلفت .. دخلت البيت كان ادخل على ابوي بالديوانيه واسلم عليه واحب يديه وراسه ثمن اروح داخل البيت وفي طريقي ... اللي يشوفني الحين يقول ماسك طريق خريص .... المهم وانا في طريقي لداخل البيت مريت على المجلس وهو محور تصويرنا اليوم آآآاقصد محور حديثنا المهم ويطري على بالي يوم اني اشتري الكنب ويوم خلصنا ترتيب المجلس وتخمني ام العبيد الا اصور المجلس يا انا ياذا المجلس والله واطقه بذيك الصورتين المهم عاد قلت لازم اروح الحين اسلم على اميمتي عسى الله لايحرمني منهم ابد ويطول بعمرهم على طاعته ويديم عليهم الصحه والعافيه وامهاتكم وواباؤكم يارب المهم يوم اني دخلت والقاها منسدحه (يعني مستلقية على ظهرها ) وانا اللي اطمر الى عندها وهي بوسط الصاله واحب راسها وايدينها ياجعلهم للجنه ان شاء الله ثمن ذلفت على غرفتي وعقب ماخلصت لي كم شغله قلت لازم انزل هالمجلس بكبره على مدونتي الصوغننه يمكن احد يشوف هالابداع ويبين اصير مشرف واسوي له ترتيب حق بيتهم والا المهم عاد .....




هذي صورة المجلس من جهة الباب ....








طبعا هذا طقم وان شاء الله نشوف الطقم الثاني من الكنبات الطيوبات .. اي والله مساكين هالكنبات يكثر مايجلسون على مخهم هالعالم ويتسدحون عليهم ذا البزارين ومايقولون شي ... شكثر حنا ظالمينهم ......




بس بصراحه مدري ليه عاجبتني هالصورة حيل حيل خصوصا انها زاويه وبعدين حركة الاضاءة غير مقصودة يعني بصراحه بصراحه ابداااااااع ماشاء الله علي ... بسم الله علي ... تف تف ماشاء الله ....

هناك 14 تعليقًا:

  1. وين أنا شايفتن هالمجلس << فيس يتذكر

    حتى مناديلكم طقم مع مجلسكم << أهب أنعن يوما

    ردحذف
  2. بسم الله علينا
    تف تف من بؤك يابنت
    اسعدني مرورك ...

    ردحذف
  3. احم احم اش هذا المجلس الرائع.
    طيب اولا التعليق على التصاوير هو الاجمل لهجتك سعودية قحة.شي فهمته وشي ما فهمته.لكن ما اقول غير واصل انت مبدع وعندك موهبة.
    والله يحفظ شباب المسلمين.

    ردحذف
  4. احم احم
    طيب اولا اسعدني مرورك
    يعني افهم من كلامك انك مو سعوديه ^_* ؟

    عموما مرحبا بك بين اهلك واخوانك

    ردحذف
  5. وااااو المجلس بصراحتن خطرطر

    بيقنن فدن قدن الكنبايا مآآره رووعهـ

    بس عندي شويه ملاحظه الفرش يبيله تغيير يعني لو

    تاخذ لون اغمق وتكون بعد اصغر بشوي

    بيطلع مافي منو

    والتصوير لا يعلى عليه يامبدع

    ردحذف
  6. اول شي اسعدني مرورك يا احساس
    الكنبات اكيد روعه لانهم ذوقي احم احم
    اما الملاحظات هذي مافيها وانا عارف لكن هذي رغبة لأميمتي الله يحفظها
    وشكرا لزيارتك

    ردحذف
  7. تف عليك تف عليك<< بس خلاص لا توسخيين..
    المجلس خوطيرن مرتن
    التصويير مرتن روووعه
    واصل عم البنات الأربع
    أبدعت أخووي ..

    ردحذف
  8. ههههههههههههههه
    الله يرج العدو ويخرش مخه بعد
    الاروع هو مرورك يارزان
    والابداع هو وجودكم بين ثنايا هذه المدونه

    ردحذف
  9. زهرة السوسن15 مايو، 2009 2:04 م

    ما شاء الله تبارك الله
    عندك موهبة رائعة في التصوير
    واصل إبداعاتك
    وورينا جديدك

    ردحذف
  10. مرحبا يازهرة السوسن

    الابداع هو تواجدك هنا في المدونه

    ردحذف
  11. هههههههههههههههه ... ايي والله حيل ظالمينهم كككككك
    ماشاء الله تبارك الله حلو تنسيقكم للألون و الأثاث , جعله بيتن عامر ان شاء الله ..

    ردحذف
  12. ^^^
    اووه نسيت اكتب اسمي ( نينا ريتشي )
    تقبل مروري ~

    ردحذف
  13. يحلي ايامك .. نينا ريتشي ..

    ردحذف
  14. جميل رائع فلقد لامست يداك الابداع مبدع وكفى

    ردحذف