الثلاثاء، 23 مارس، 2010

تصاوير 15


بسم الله الرحمن الرحيم ..
اسعد الله اوقاتكم بالطاعات وبكل خير ومسرة وسعادة وهناء ..
^_* ماشتقتوا لي .؟؟ اكيد في احد مشتاق بس مستحي يقول .. ^_^
المهم كيف حالكم .. وشلون من يعز عليكم .. ان شاء الله اموركم طيبه ..؟؟ ..
بصراحة انا مقصر مع المدونة ومع احبابي متبعين المدونة .. ولكم حق علي .. لكن العذر من الله ثم منكم على التقصير .. لأني كنت مشغول في بعض الامور ...( الله لايشغلنا الا بطاعته ) .. الى حد الرقبة .. لكن ابشركم الامور الحمد لله طيبه ... وترى الحياة حلوة .. ووناسة وسعة صدر ..
هذا الله يسلمكم قبل فترة كنت في زيارة خاطفة ( صد ورد ) الى واحة المملكة ( الاحساء ) عشان اخلص بعض الامور هناك .. وصادف مروري من عند مبنى اثري .. اسمه قصر محيرس .. او المحيرس .. وكنت مستعجل فأخذت له صورة خاطفة .. لكن ان شاء الله اذا حصلت لي فرصة ثانية .. رح احاول اصور بعض المواقع والاماكن الجميلة فيها .. ولا انسى عتبي على اخوي عيسى (احساس ) بما انه منه اهلها المفروض يتحفنا ببعض ماعندهم من مواقع اثرية وغيره ..


اما هذي الصورة فهي كانت هدية من الغالية ( امي ) الله يمد في عمرها على طاعته بمناسبة نجاحي في الترم الاول .. وتشاركت معها اختي فديتها بنت الثلاثين .. عسى الله يوفقني واياكم في حياتنا العملية والعلمية ...

وهذي بعد من الحنونة .. ياجعلني ما ابكيه ولا ابوي .. قولوا امين ..وصت اختي تكتبها بنفس اللهجة .. وماقصرت اخيتي .. وطبعتها وفاجأوني بها .. وكانت احلى هدية وماتتصورون قد ايش فرحتي بها .. ياجعلني ماخلا منكم .. ياهلي ياعزوتي ياعصابة راسي... وعسى الله يقدرني ..واحقق اللي في بالي واسعدكم يارب ...

اما هذي لكم هدية صغيرة من اخوكم المقصر معاكم .. ضيافة بسيطه لكم ..


... وسامحونا على القصور ....

هناك 28 تعليقًا:

  1. ليش ثالث مره اكتب تعليق ويرفضه

    اقول تستاهل كل خير وربي يحقق أمالك
    ولايحرمنا من أم فهد ولا أبو فهد ويخليهم ذخر لنا يارب

    خربشاات إمرأة

    ردحذف
  2. السلام عليكم ياجاري وعلى ماقيل
    انت في دارك ونافي داري
    شغلك طيب وبعد قهوتك اطيب وعاد الكيك طيب مره مره ياشاب ياطموح
    ارجع للدار..خلك في (بيتك)ومن يومين كنت اسولف مع هالشاب الحبيب عنجدحبيب وكريم بس ماعزمني للكيك ولا بعثلي بقطعه مع فنجان قهوة ليش مااعرف المهم ما اطول عليكم وكان الحوار بعد صلاةالعشاء يعني بالعامية نسولف أونهرج أونحكي نناقش بعض من الأمورالمرورية المسرعة من امامي وأمامه التي بكل اسف مافيه بيت ولا وله قصص وقصص محزنه ويعاني منهابفقد قريب اوصديق الخ.... هي السرعة الغير محسوبة العواقب وبالطبع نسكن على شارع عرض عشرون م2 يشبه خط الدمام الرياض السريع اوحلبة البحرين لسباق السيارات ممايجري ونشوف في هذالشارع من سرعه وجنون رهيبين فكان يقولي ياجار انااخاف على الجيران من مسرع لا لايتقيد بقواعدوإنظمة المرورالعالمية التي تحرم السرعة بل تجرم من يفعل ذلك في شارعنا المسكين والمغلوب علىمن يسكن فيه وخوفي يوم يكون فيه حادث لا سمح الله.. فرديت عليه قلت خلك في بيتك بالطبع موحل لاكن ماهو العمل والحل
    معاناة يومية
    لا تزعل يا جاري وياحبت عيني احب امزح معك قهوتك مشروبة ولله سلام .......

    ردحذف
  3. يمه يمه الكيكه تشهي حددددددددددددددددددددددها

    عليك حق قص لنا ووزع :P

    الصور طيبه فعلآ :)

    ردحذف
  4. تعتب علي ياشاب ..
    انا من يجب ان يعتب .. انت واصل الاحسا ولا خبرتني .!
    ع الأقل نقوم بالضيافه ونشترف بلقائك ..

    --

    قصر محيرس .. هذا القصر كما رأيت ياغالي ..
    قد شوّه بشكل كبير من أيادٍ عابثه وأخرى كاتبه .

    كانت لي جوله تصويريه لهذا القصر ..
    أعدك بعرض نتاج هذه الجوله ..

    مبروك النجاح .. وعقبال وثيقة التخرج بالإمتياز

    موفق ياصاحب ..

    ردحذف
  5. الجبهاني ...
    عليك السلام ..ارحب ياجاري ..
    ابشر بحقك ياجاري .. انت تعزم ضيوفك عندي .. ماعزمك انت راعي بيت ..
    الله المستعان ياجار .. هذي معاناة اغلب الناس في كل الاحياء .. لكن يبي لك تكلم الجيران ونتفق معهم على حل الوضع بأسرع وضع ..
    اسعدني مرورك ومتابعتك يالذيب

    ردحذف
  6. اختي ..
    عادي تصير وسعي صدرك بس .. انا سويت نشر لتعليقك وماظهر الا عقب فتره ههههه عادي
    تستاهلين الطيب .. لاعدمتك ياخيه ..

    ردحذف
  7. متهورة .. حياك الله
    التقطيع مخليه للحريم لاني ماعرف اقطع ..
    مرحبا بك

    ردحذف
  8. اخوي عيسى .. يامرحبا بك ..
    لك حق لكن مثل ماعلمت اني عجل .. ومنت مقصر ياراعي المواجيب .. علمك غانم يابن هندي ..
    ننتظر نتايج جولتك يالذيب ..
    الله يبارك في عمرك ..امين وعقبال الجميع ..

    ردحذف
  9. واو الكيكة شهيــــــــــــــــة.
    يالله ضايفنا أنا أنتظر عطني قطعة من الكيك وكاس شاهي...
    لو سمحت ممكن اربع حبات من شوكولا السلطان *_^.
    لله يحفظ أم فهد ويطول بعمرها على طاعته....والله يوفقك ونشوفك لابس مشلح وغترة بيضاء يوم تخرجك ان شاااااااء الله يارب.

    ردحذف
  10. يا غير معرف .. يبدو انك نسيت اسمك ياخوي ..
    ابد ابشر علمني من انت وابشر بسعدك ..
    حلويات السلطان ^_^ ابشر
    امين ويخلي لك شيبانك ومن يعز عليك ..
    امين وعقبال جميع الطلبة ..

    ردحذف
  11. طريييييييييق وسعوااااا شوي
    الف مليووووووووووووون مبروووك ولايسدن
    على النجاح وعقبال التخرج دووووم السعاده والنجاح في طريقك

    كيكة رائعه وبالعافية عليك
    بس كانكم ماارسلتوا لي بطاقه دعوه <<<الاخت عازمة نفسها
    ياسلام وشكولاته السلطااان حلوووو
    تحياتي لك
    ريم ...

    ردحذف
  12. ما شاء الله ....

    اولا ...استقنا لك ولتدويناتك ...
    ثانيا ... الف مبررررروك وتستاهل وقدها وقدود
    ثالثا ... الله يحفظ الوالدة ام فهد .. ونبغى تدعوا لنا .. الله يجزاها خير
    رابعا ...الكيكة امممممم ..
    خامسا ....شكرا على الضيافه
    سادسا ... ترى الصوووورررر شويه هالمرة
    سابعا ... وفقك الله ورعاك وحفظك من كل مكروه

    ردحذف
  13. ريم .. بشويش .. لاحد يتعور ..
    الله يبارك فيكم جميع وعقبالكم ان شاء الله ..
    المره الجاية ان شاء الله تعزمون اللي تبون انتوا ماقدر اعزمكم انتم راعين البيت ..
    اي شلون بعد السلطان من سلطن يسلطن ..
    مرحبا بك ..

    ردحذف
  14. استاذ اياد ..
    تشتاق لك العافيه .. والله يبارك فيك وفي علمك ونفعك بك .. اللهم امين ويخلي لك اهلك واحبابك ومن يعز عليك .. ولاشكر على واجب يا استاذ ..
    من ناحية شوي والله عارف اني مقصر لكن بحكم عملي وطبيعته المتقلبة .. وبحكم الدراسة .. ومسؤلية البيت .. لكن ان شاء الله نسعى الى ارضاء جميع احبابي ومتباعين هذه المدونة ..
    وعسى الله يوفقك في علمك وعملك وينفع بك ويحفظك لاحبابك ..
    لاعدمناك يا استاذ

    ردحذف
  15. صدى الاحساس26 مارس، 2010 3:33 م

    وينك.........
    مبروك وعقبال ما نشوفك متخرج
    من قدك بنت الثلاثين تشتريلك تورتة حلوة مثلك ومثلها
    الله يوفقك ولا تقطع مرة ثانية
    تحياتي صدو ...

    ردحذف
  16. مرجبا ياصدى ..
    موجود الله يسلمك ..
    يبارك في عمرك وعقبالكم جميع ..
    اي بعد هذي اخيتي .. عيني اللي اشوف فيها ..
    يوفق الجميع القطاعه وارده دام هناك حياة واعمال .. لكن السموحه من الجميع

    ردحذف
  17. احببت مدونتك :) ...بالتوفيق

    ردحذف
  18. سامي ..
    حياك الله في اي وقت ..
    احبك الله الذي احببتها لأجله .. ^_^

    ردحذف
  19. مَـملوْحة الوصآيف ..~ْ30 مارس، 2010 10:32 م

    السسلام عليكم ..,

    كيف حآلك شآب .؟
    لقطه الصوره الأولى خرآفيه تدل ع الأحترافيه في التصوير ..,
    << عقبآل الأفضل فالأفضل ان شاء الله ..,

    اما ع صوره الكيكه ورآ ما عزمتوني <<اهئ اهئ ..,

    وربي يطول في عمر الوالده يارب ,,,

    اما الصوره الأخيره الصرآحه وقفت عندنا ابقق عيوني فيهآ ولفتني ذآك الشيء<< هع ..,

    تحيآتي ..,

    ردحذف
  20. عليكم السلام ورحمة الله
    بخير الحمد لله ..
    ان شاء الله يارب ..
    امين يارب ويطول في عمر شيبانك ..
    وشو اللي لفت انتباهك في الصورة .. لايكون اسمي ^_^
    حياك ربي

    ردحذف
  21. الاجمل اخوي عبدالله هو متابعتك لنا ..
    مرحبا بك ..

    ردحذف
  22. مباااااااارك انتهى الترم وان كانت متأخره

    أنا عيني ع التورته لو سمحت ابيها :)

    ردحذف
  23. السلام عليكم ..
    كيف الحال شاب طموح ان شاء الله بخير :)
    يالله نبدا من أول صورة :
    الاحساء مدينة مشهورة بكثرة النخيل فيها .. بس هذا اللي اعرفه عنها .. كااااك
    يمي احب الكيك بكل انواعه بس اكثر شي اللي بالكاكاو ..
    الله يخلي لك اميمتك و يطول في عمرها .. و يخليك و يبقيك لعيين ترجيك ..
    اما الكلمات اللي مكتوبة على الورقة كلمات رائعة صراحة و هذا دليل ان اهلك يحبونك و راضين عليك و اولهم والدينك جعل ربي يحفظهم و يخليهم لك
    اما بالنسبة للهدية يعطيك العافيه ما تقصر
    كفيت ووفيت p:
    على طاري القهوة و الشاي انا غرامي شاي الزعتر .. اذا عندكم صلح لي على قولتكم .. حنا بنجيكم في العطلة لان خوالي في الدمام انتظرونا كللها كم شهر و نجيكم كاااااك D:
    فديت الدمام و أهلها ..
    في أمان الله ,,

    ردحذف
  24. نينا ريتشي ..
    عليكم السلام ورحمة الله
    بخير وفضل ونعمه من الله ..
    الاحساء مدينة كبيرة وتشغل اكبر مساحه من مساحة المملكة بحكم انها واحة المملكه .. وفيها الينابيع والعيون والنخيل ومشاريع كثيرة ..
    الله يجزاك ويخلي لك اهلك ومن يعز عليك ..
    الرضا من الله ثم من الوالدين هو اهم شي ..
    الهدية صغيرة لكن قليل مما نعبر به عن كرمنا ..
    الشاي بالزعتر .. حاضرين .. ويامرحبا بكم في اي وقت محلكم وملفاكم .. ونعم بك وبخوالك ..
    مرحبا بك

    ردحذف
  25. أشكرك على هذا الرد الوافي :) ..
    و الله ينعم بحالك ..
    دمت بخير أخي .

    ردحذف
  26. شاب طموح بغيت أسألك عن مدونة بنت الثلاثين ( خربشات امرأة) .. لما ادش على الرابط مكتوب لم يتم العثور على هذه المدونة :(

    ردحذف
  27. نينا ريتشي ..
    الشكر لله وحده وماردي الا قليل ..

    ردحذف