الأحد، 31 يناير 2010

تصاوير 13

السلام عليكم ورحمة الله وبركاته ..
صبـاحـ / مساكـ .. ــم خير وسعادة ورضا ...
كالمعتاد زواري ومتابعي ثنايا بيتي الصغير ... لمن دخل جديد ... صورة وقصة او موقف لها ...

شريت لي ثوبٍ على شان لقياك .... والثوب راحت موضته مالبسته
وشريت عطرٍ ما زهاني بلياك .....أربع سنين بعـــلبته مالمــــستـه
ودفتر قصيدٍ كل يوم يترجاك ...... مافيه يومٍ مــاسهرت ودرستــه


صحيح ان الابيات فيها شوي حزن لكن هي اللي حصلتها في الملفات المحفوظه عندي .. تتكلم عن العطر ...
من لايشكر الناس لا يشكر الله ... قبل تقريبا اسبوع اهدتني اختي فديت راسها .. عطر .. كرد جميل من اللي سويت معها لكن حز في خاطري انها تفكر ترد لي جميل سويته معاها .. انتي اختي .. انتي عيوني اللي اشوف بها .. ومهما سويت لك او معاك يبقى قليل .. وهذا واجبي ..
ان ج ـيت يمك شارد الفكر > ضايق <مع بسمتك تنزاح لوع ـات الاع ـماق

هذي صورة عطرها الله يطيبها من طيب الجنه ان شاء الله ...


آنآ آشهد آن مآ كْـل آلآزوآل... آزوآل ..
و لوهآ تشآبه.. آنت مـآ لـكْ مشآبِـه
إنت {آلغلآ}.. وآنت {آلسعد}.. وآنت {آلآمآل} ..
وآنته دعآء آمـي .. بوقـت آستجآبـه ..!!




اما هذي الصورة ... سبقتني اختي فتاة الثلاثين ... في مدونتها ... ونزلتها ... وبحكم ان حفل الخطوبة للنساء كان في بيتنا .. طبعا في صور كثير ماقدرت اصورها لكن اختي وفت وكفت .. ماقصرت لكن من باب التحدي بيني وبينها .. قلت انزل الصورة هذي ... ونشوف من اللي تصوريه احلى ... ^_*



اما هذي الصورة كانت في نفس يوم ملكة بنت اخوي .... يوووووووه .. نسيت ابارك لها ... بارك الله لكما وبارك عليكما وجمع بينكما في خير .. .. المهم عاد ان عشاء الرجال كان في بيت اخوي .. والجو ذاك اليوم كان بارد مره .. وعلى ذمة الارصاد .. قالوا ان ذاك الليل كانت درجة الحرارة 8 درجات .. المهم شبة الضوية ترد لي الروح دايم ... وان شاء الله .. راح نطلع البر قريب بإذن الواحد الاحد .. وان شاء الله نستمتع بطبيعة الرحمن واحاول امتعكم معاي ..






قبل الختام ابيات عجبتني ..
أرفع الراس بين الروس ما همه
وأتباهى وأنا الغرقان بأوجاعي
يمه.. الحر طبعه يعشق القمة
وأنتي اللي فطمتيني على أطباعي
الهواء دام راسي حي ويشمه
والله اني لاسوق هناك ذعذاعي
غربة تلوي ذراع أشجع الخمه
لا تخافينها لو تقلب أوضاعي
يمكن تبعثر الرجال وتلمه
بس !! بدري عليها تلوي ذراعي

هناك 25 تعليقًا:

  1. أبيات حزينة بالفعل ,,
    مبروك عليك العطر ,,

    ما شاء الله تصوير جميل ,,
    بالذات السنه اللهب :)

    و الله يوفق بنت اخوك و يسعدها بحياتها ,,
    و الف مبروك لها ,,

    (الحر طبعه يعشق القمة)
    اعجبتني ^^

    ردحذف
  2. إلك تأبرني أبر
    شو هاد يازلمه ، له له ليش تقول اني عطيتك هدية
    ليش ماخليتها سرررر ، والله تستاهل اكثر ويارب اشتري زواج عطرك أقصد عطر زواجك
    تعال ما سألتك ريحته زينه والا نحول ؟

    الا تعال من ذي اللي تهبى ولا جابتها أمها عشان تلوي ذراعك ؟

    سلامون

    ردحذف
  3. الله يخليك لأخـتك ومبارك لكم

    ردحذف
  4. ما شاء الله

    تعجبني تصاويرك ..

    مبروك العطر .. والله يجعل في كل بخه حسنة

    والله يدم عليكم ... هذه النعم

    :
    ومباركين ... حلوووه الكوشه

    وعقبال كل العزابيه
    :
    شبة الضويه ...حلووووه في الشتويه
    :
    ننتظر صور البر
    :
    شكرا على الابيات الجميله

    ردحذف
  5. اسيرة اللوحة ..
    الله يبارك فيك ..
    والله يكفينا حرها يارب ..
    الحر طبعه يعشق القمة ..
    حياك الباري ..

    ردحذف
  6. تستاهلين الطيب والي اغلى منه .. ياتاج راسي .. يابنت ابوي ..
    العطر ريحته ماتجي في مستوى طيب قلبك ونقاوته ..
    ياحبك للمحارش مافي احد بس ابيات شعر ..
    مرحبا ملايين ..

    ردحذف
  7. غناتي ...
    الله يبارك في عمرك .. حياك ربي ..

    ردحذف
  8. استاذي العزيز اياد..
    هذا من كريم لطفك وجودك علينا ..
    ويديمها عليكم وعلى امة محمد ..
    الله يحلي ايامك استاذي الفاضل ..
    ان شاء الله تلحق خير يارب ..
    حياك المولى وحفظك

    ردحذف
  9. السلام عليكم ورحمة الله.
    ماشاء الله عليكم الله يحفظكم يارب ويحميكم.
    بصحتك العطر تحطه وتجيب لك فتاة غيره ان شاء الله.
    الكوشة الله الله الله الله لا تعليق.
    المشب رائع ليس له مافس من امور التقنية الحديثة لا ابدااا لايصح الا الاصل.
    البر واو خليها على الله انصحك فعلا تطلع وتجيب لنا صور اهم شيء الصور.
    وأخيرا أبيات الشعر مع أني لست خليجية غير أن الشعر النبطي يعجبني كثيرا وأحفظ منه بعض الأبيات.
    شكرااا لك .
    دائما تبدعنا.
    ملح

    ردحذف
  10. عليكم السلام ورحمة الله
    ويحفظك لعين ترجيك ..
    ياجعلها سالمه من كل شر ..
    المشب .. يالبيه بس ..
    الشكر لله وحده ..
    الابداع ينبع من توجيهات ومتابعة منكم جميعا ..
    حياك المولى .. ملح

    ردحذف
  11. تفو تفو تفو
    الله يخليكم حق بعض
    وتدوم المحبه بينكم

    وكلوولولولووش
    حق عروستكم واطخكم الجديد
    عقبالك ياشاب طموح وعقبااال فتاه الثلاثين
    ونزفكم مع بعض هع هع هع

    ردحذف
  12. يؤ يؤ يؤ .... > وجه واحد عيونه بتطلع من محلها .. <<
    امين يا جلاكسي ..
    عقبال الجميع من العزاب .. واللي يبي ثانية ...
    اما تنزفونا مع بعض قوية شوي ..

    ردحذف
  13. مبروووك عليك العطر يالعم

    مبروك عليكم الملكة

    وعقبالك نشوفك جالس بالكرسي مع المغ...ههه فهمتها

    يالبى شبة الضوء وان شاء الله انك تاخذني معك للبر ههه
    تحياتي
    ابو فيصل

    ردحذف
  14. نوني والكل يغار من عيوني4 فبراير 2010 في 12:48 م

    احم احم
    اوول شيء الله يخليكم حق بعض
    وتدوووووووووووم المحبه بينكم
    وثاني شيء
    الف مبرووووووك للعرووووسين
    .........

    مبـروك يـا يـاقـرة العيـن
    مبـروك والله بـأجمـل تحيـه
    والمسـك والطيـب نقـدمـه هـديـه
    الف مبرووووووووووووووك
    .............
    وعقبال اليوم اللي يجي ونفرح فييك انشاءالله
    ......
    تحياتي
    ,
    ّّّّّّّّّّّّّّّّّّّّ.
    ,

    ردحذف
  15. مرحبا يابو فيصل ...
    الله يبارك فيك .. وعقبال الجميع ..

    ردحذف
  16. نوني ...
    يامرحبا بكم والله ..
    الله يبارك في عمرك ..
    حياك الله .. وشكرا على الابيات ..

    ردحذف
  17. ألف ألف مبروك الله يوفقهم ويهنيهم بحياتهم وعقبالك
    مبروك مرة ثانية على العطر ةتخلصه بالعافيه
    " الله يديم المحبة بينكم "
    تحياتي صدو...

    ردحذف
  18. الله يديم الاخوه والمحبه بينكم
    والعطر شكل ريحته مآآره خطييره عآد لا تخلصه كله خل منه اشوي لاني بجي عندك يوم واتعطر منه :)

    الكوشه مآآره تهههبل ولونها حلوو
    وبارك الله لهما وجمع بينهما على خير
    وعقبال مانزفك ونفرح فيك يآرب ..(قول آمين )

    ( أعشق عنآدك..~

    ردحذف
  19. اعشق عنادك ..
    امين .. واياكم ان شاء الله ..
    ايه العطر .. حاضرين موجود بالغرفه اي وقت تعطروا منه ..
    اهم شي انها عجبتك الكوشه ^_*
    امين ان شاء الله وعقبال اللي في بالي ..
    حياك ربي ..

    ردحذف
  20. مَملُوحه الوصآيف~..,8 فبراير 2010 في 12:16 م

    السسلآم عليكم ..,
    آخبآرك شآإبـ ..؟
    العطر من شكله حلو ... تخلصه بالعافيه يآرب ..
    اما الكووشه الصراحه رووعه واختبار اللون اروع ..,
    بارك لهما وجمع بينهما بالمحبه يارب ..,
    لقطه الصوره الأخيره طالعه مرخ ذووق ..
    وآصل شآب .., .
    يعطيك الف الف عآفيه يارب ..,

    ردحذف
  21. مملوحه الوصايف ..
    انا بخير ياوجه الخير ..
    يعافيك ربي ويسلمك ..
    الحمد لله .. وعسى الله يتمم لهم بكل خير ..
    نواصل بدعمكم جميعا بلا استثناء ...
    يعافيك ربي ويسلمك ..
    حياك ربي ..

    ردحذف
  22. كنت ماره اتفسح ع المدونات الصديقه ودخلت كذا بالصدفه على مدونتك :d
    مدونه رئعه وصور حلوه
    الله يوفقك اخي
    تقبل مروري ^^

    ردحذف
  23. حياك الله وبياك ومرحبا بك في مدونتي البسيطه في اي وقت ...
    مرورك مقبول نتمنى ان لاينقطع ...

    ردحذف
  24. صورة شبة النار
    راااائعة فيها حسي فني لذيذ

    هذي الزيارة الأولى
    وشكراً تعني الرحيل وانا سأمكث للعروج على بقية المواضيع..

    عقد الجمان

    ردحذف
  25. عقد الجمان ...
    حياك الله ...
    اتمنى لك الاستمتاع بما تحتويه المدونه البسيطه ..

    ردحذف