الخميس، 10 ديسمبر 2009

تصاوير 9

سلام الله عليكم ايها القوم ...


كيف حالكم ..؟ عساكم متدفين زين عن البرد ...؟ ترى حن ماجانا برد للحين .. ماغير هبايب ...


طبعا صاير لي فترة وانا متغير .. مدري وش صايبني ...( ادري بيقولون عين .. هذا حنا يالعرب ... اي شي قالوا عين .. ) الا على طاري العين احس .. لا ما احس .. الا متأكد ... ثلاث ارباع الشعب يعاني من العين .. الله يفرجها علينا وعليهم ويكفينا شر ماهو قادم..


عموما احباب قلبي لا احد يدقق ....


مثل ماتعودنا من يوم فتحنا البقالة اقصد المدونة .. خصوصا اذا كان الموضوع مثل ماهم مكتوب فوق ..,,( عجزان لايكتبه مره ثانيه .. ) ههههههه المهم كل وشسمه له شسمه ..


نبدأ على بركة الله ..




هذا الله يسلمكم يمكن قبل شي اسبوعين تقريبا .. قررنا نحن ال بيتنا ... نتجمع عند باب العماره .. اقصد في الحوش .. وفي رواية اخرى تهوية .. وفي رواية شاذه .. برندا ... المهم كان الجو عليلا وجميلا وكل ابو الصفات الحميده كانت فيه ذاك اليوم .. المهم و تجمعنا الحمد لله .. وقرروا آل بيتنا انهم يجيبون شي يوكل في ذيك الحزة ... والله وماقصروا وجابوا لنا اللي بالصورة اللي بعدها ...





اي صح نسيت قولوا ماشاء الله .. لاتجينا عين ... ^_* ....







طبعا الصورة هذي مدري وش موقعها من الاعراب لكن تعبر عن نفسها ....





من لايشكر الناس لا يشكر الله ... هذا الله يسلمكم ... قبل شي اسبوع تقريبا .. كنت عازم لي شباب على العشاء .. المهم والله ماقصروا الاهل .. وخصوصا اختي .. فتاة الثلاثين .. سابقا ^_^ علبة ألوان حاليا ^_* وتكفلت بالمهمة وابدعت عسى ايدينها وايدين اللي عاونوها ماتويج على النار ...
شكرا أبي ... شكرا أمي ... شكرا أختي .. شكرا للجميع ..
سمو على واجبكم ... واسمحونا على القصور .. لاحد يستحي يالربع .. ^_^
حي الله من جانا .. ابرك من يجينا .. يالله حيهم ..




اما هذي الصورة عجيبة .. سبحان الله .. تحديدا قبل يومين بالضبط كانت هناك امطار على مدينة الدمام وكنت وقتها في العمل وكان الوقت تقريبا الساعه 11.30 مساء او زيادة .. المهم كنت واقف وماسك الكاميرا اشوف الاعدادات فيها وكانت الدنيا تبرق .. المهم قلت ابغى اصور البرق مثل اللي اشوفه في صور المحترفين .. المهم وانا احاول صورت تقريبا 40 او 45 صورة للبرق ماطلعت الا بالصورة هذي .. وكأنها في الصباح او بداية الاشراق ..









نشوفكم على خير في الحلقة القادمة .. تابعونا ..

هناك 21 تعليقًا:

  1. ما شاء الله

    ... لاتقول ...عين ترى ذكرت الله

    ..الصور حلوووه

    والعشاء ..امممممم ..شكله شهي

    في انتظار اخبارك
    ولاتنس التصوير
    :

    ردحذف
  2. السلام عليكم ورحمة الله وبركاته
    مسائك معطر بافل والكادي
    لا ان شاء الله مافيك إلا العافية
    الجو روعة هالايام يصلح حق طلعات بر، بحر،....
    الآيس كريم ما يتقاوم خصوصا إذا كان "كون زون"امممم
    الله يعطيها العافية الوان على السفرة الجميلة
    ...تحياتي صدو...

    ردحذف
  3. sky ...
    حياك الله والاحلى هو تواجدك بين ثنايا واروقة المدونة ..

    ردحذف
  4. صدى الاحساس ..
    عليكم لسلام ورحمة الله
    الجو خورافي وخقاقي .. بس الي دوامه الظهر ومايظهر الا بالليل .. وين يذلف فيه ومالحل في ذلك يا اختاه .؟
    اما الايسكريم والله اني اشتهيته .. بس عجزان اطلع ..
    الوان اي والله الله يعطيها الصحه والراحه والهنا ..
    تحياتي لك ولـ سي السيد ... ^_^

    ردحذف
  5. مالفت انتباهي اكثر شيء الا الكون زون << احبه :S
    هههههههه
    التصوير حلو والصور توحي انو الجو كان مريح وروعه فعلآ وقتها
    لاتحرمنآ تألقاتك الجديده
    وتصاوير 9 اعطيها 10/10 .. وفالك البيرق :P

    كل الاحترام

    ردحذف
  6. متهورة بلطف ....
    كلكم يامعشر الحريم .. تحبون كون زون ...
    فعلا الجو روعة خصوصا وانا ارد على هالتعليق ..
    الجديد يجي في وقته ان شاء الله ..
    تقييمك شرف لي ويزيد من الهمة والاصرار ..
    كل التقدير

    ردحذف
  7. السلام عليكم ورحمة الله.
    حاجتين عجبوني كثير.
    اولهم البوضة كون زون.
    وثاني شيء منظر السماء من حوش البيت ماشاء الله منظر رائع والتقاط خطير تسلم يداتك يا طموح.
    كنت هنا وسأبقى دائما.
    أجمل تحية.

    ردحذف
  8. عليكم السلام ورحمة الله
    يسلمك ربي ...
    محلك في المدونة دائما محجوز ...
    حياك ربي في اي وقت تشائين الزيارة ..

    ردحذف
  9. صور جميلة
    استمتعت بالقراءة الساخرة
    ههههههه
    سلاموو

    ردحذف
  10. سعودية: على وزن شسمه
    الله يديم علينا الاجواء الربيعيه واللمه وصفاء الانفس
    تراها نعمة تسبيره

    من هنا نت بيتناومن حاسوبي محدثتك ألوانيه

    ردحذف
  11. انا كاني شايفه ذي الطاااوله عند احد الله يجمعكم ولا يفرقكم ان شا الله

    ردحذف
  12. الوان ..
    ايه لاحد يتحرش بحد بس ..
    امين يارب ...
    ومن هنا انا ...
    حياك ربي

    ردحذف
  13. جلاكسي ..
    امين واياكم ..
    حياك ربي

    ردحذف
  14. مممم يعني مب بس انا الي كيمرتي ما تخوز من ايدي يوم ينزل مطر ...
    عندي كم صورة عن المطر بنزلهم ان شاء الله ... ^^
    تصاوير حلوة ...
    و العيش شكله يمييي ...

    دمت بود ...

    ردحذف
  15. اقصوصة ..
    الاحلى هو تواجدك ومتابعتك لنا ..

    ردحذف
  16. انسانة ...
    توثيق المواقف والمناظر مطلوب ... بس احيانا انسى الكاميرا كثير ...
    ننتظر تصاويرك عن قرب ..
    الاحلى هو تواجدك ومتابعتك لنا ...
    العيش .. عليك بالعافية ..

    ردحذف
  17. كل شي كوم...والكون زون كوم ثاني

    >>مو تحبه الا تموت فيه

    عليكم بالعافيه..،،

    ردحذف
  18. صمتك كلام ... ^_*
    ايه يالكون زون .. ماذا فعلت ببني البشر ..
    الله يعافيك ..
    مرحبا بك

    ردحذف
  19. ماشالله التصووير حلوو مرره مشكورين

    ردحذف