الخميس، 26 أغسطس 2010

تصاوير 21

بسم الله الرحمن الرحيم ..
حياكم الله في بيتكم الثاني .. اليوم قلت لابد نجدد معكم العهد لقسم التصوير .. وبصراحه كنت متردد في عدد الصور .. لكن قلت ياولد خلني انزل اخر الصور الجديده عشان تعطيك دفعة لتشد الهمة وتصور من جديد وتحبث عن جديد .. المهم مالكم بالطويلة ..>> الاخ بيشرح قصة حياته .. <<< نبدأ على بركة الله وشرح مبسط لك صورة ..
الأميرة لمى كانت في زيارة لنا قبل فترة .. ربي يسلمها .. ( اذكروا الله ياجماعة ..) ..

هذي بصراحة جديده .. كنت في مهمة تصوير لأحد الأشخاص .. وعند شقة الشمس حبيت المنظر من موقعي ..( خطير الولد بس عطوه فرصه ) هههههه


اول شي اذكروا الله ياجماعة .. هذي الصورة من بيت أخوي عبدالله .. ( الله يجعله عامر بأهله دايم .. ) فكرة الصبغ بالطريقة ثلاثي الابعاد .. اعجبتني جدااا .. ماشاء الله تبارك الرحمن .. وبالمغربي يالخوي ( الله يعمرها دار .. ^_* ) ..

وهذي الأقوى من وجهة نظري .. لأنها ليست لوحة مثل باقي اللوحات .. هي من جبس والايات تمت بعملية النقش والحفر .. تبارك الرحمن ...

وهذه ايضا رسم ثلاثي ابعاد .. يارب تبارك لراعي البيت واهله .. وتحفظهم ..

أما هذا الرجل الصغير .. فهو المهندس مساعد .. الله يخليه لوالديه ويصلحه ويبلغهم فيه .. من الحماس شافني اصور مسك جوال ابوه وصار يصور مثلي .. ههههههه ياربي تصلحه وتسعد والديه ..

قبل فترة بسيطه .. كنا مدعوين عند أخونا بو دلال .. وهو سعودي مغربي .. مثل ماتشوفون بالصورة .. واللي على يمين الصورة .. أخوي عبدالله ... ويسار الصورة أخو قلبي نايف .. وللمعلومية .. الدعوة كانت على مائدة مغربية بحته .. ونقول اكرمك الله يابو دلال .. وبيض الله وجهك ..

هذي طبعا اعتقد انكم تعرفون وش الشي هذا .. اسمه .. أتااي .. يعني شاي مغربي ..

وهنا بو دلال وهو ... يخوي الأتاي .. يعني يصب الشاي .. ^_*


وهنا طبعا العشاء لكني اقتصرتها على صورتين فقط .. اللي .. الكسكس.. واللي يبي يعرف وش مكوناته يبحث عنه ..


وهذي الصورة الثانية .. الطاجن ..



وعقب العشاء جاء دور الحلو .. من شباكية.. بتشديد الباء .. وغيره ..

وعقب الحلو وقبل المغادرة العود وما ادراك مالعود .. ( لكم اعشق هذا النوع من الأطياب ) ياجعل ربي يطيبك من طيب الجنة يابو دلال .. ولكن اكثر ما اعجبني ان المبخرة مغربية ايضا .. بو دلال .. الله يخلف .. والله يجود عليك ..

أما هذي الصورة الأخيرة .. فكانت قبل تقريبا اسبوع .. تخبرون احيان الواحد تمسك معاه غلط على شي معين .. في وقت ماتدري وش يحس به .. مسكت اسوي الحركه اللي بالصوره واجر خويي بالدوام .. الى ان سويتها .. خبركم دوام آخر الليل ونتايجه ..
الى هنا واقول الى لقاء اخر في موضوع جديد ..
"* ياجماعة لاتنسون ذكر الله ..
الله يحفظكم ويبارك لكم فيما بقي من رمضان ..

هناك 16 تعليقًا:

  1. صور جميله ما شاء الله
    الاجمل هو المبخره شدني شكلها كأنها مصباح علاء الدين !!

    دمت بخير^^

    ردحذف
  2. اسيرة اللوحة ..
    الاجمل هو متابعتك ..
    حياك الله ..

    ردحذف
  3. ما شاء الله عليك باين انك محترف بس يا ليت تقول نوع الكمره وش هو
    تقبل مرووووري اخي

    ردحذف
  4. تصوير رايق ما شاءالله

    وعجبني الصبغ الثلاثي الله يبارك له


    والكسكس هذا اتمنى اذوقه من كثر مايمدحونه

    كيف طعمه؟؟

    ويعطيك العافيه

    ردحذف
  5. سعد ..
    مرحبا بك اخوي .. انا ماني محترف .. مجرد هاو يطمح للاحتراف .. نوع الكمره .. نيكون .. موديلها قديم شوي .. Nikon D60
    حياك الله

    ردحذف
  6. مبدعه ..
    شاكر لك الاطراء المحفز ..
    ان شاء الله تذوقينه .. وهو نوع من انواع البرغل او شيبه له .. الطعم حلو ..
    الله يعافيك ..

    ردحذف
  7. المصباح يذكرني بعلي بابا
    صورة الشمس خيااااال
    الصوره الاخيره رهيبه بس كيف تقول أخر الليل وفيه شمس بالصوره

    انت إبداااااااااااااااااااااااااااع واصل

    ردحذف
  8. الابداع هو دعمكم وتشجيعكم ..
    ايه طبعا هو وقت التصوير الصبح لكن ماسكه معاي من الليل وبعدين كنت مداوم اخر ليل ..
    حياك

    ردحذف
  9. {مضان كريم

    وكل عام وانتم بخير :)

    ردحذف
  10. اقصوصة ..
    وانت بخير وصحه وسلامه

    ردحذف
  11. حلو حس التصوير بعدستك .. دووم متآلق
    عجبتي الصوره الاخيره :)

    تقبل مرورلي

    ردحذف
  12. اسماء ..
    مرحبا .. وشاكر لك الاشادة .. ومايتم التطور الا بالدعم والتشجيع
    حياك ربي

    ردحذف
  13. ما شاء الله عليك
    ..تصاوير مغذيه
    من ناحية العدد
    والاخراج والتصوير
    :
    والف مبروك لعبد الله
    فكرة الرسم هذه
    داخله مزاجي جدا
    وتعطي ابعاد للمكان
    :
    وبالعافيه عليكم
    الاكل المغربي
    شكله شهي تبارك الله
    :
    والمبخرة ( المصباح السحري )
    موجود مثلها في اجمل للعطور
    :
    سلمت العدسة وصاحبها
    وسلمت يمناك
    يا شاب طمووووح

    ردحذف
  14. استاذ اياد ..
    والله عدم الفراغ احيان يجعلك تدلي بما عندك لكي لايفتقدك محبوك ومتابعوك ..
    انا كذلك استاذي الفاضل اعجبتني فكرة الرسم الله يبارك لهم فيه ..
    الله يعافيك .. من ناحية شهي الحمد لله طيب ..
    سلمك ربي وحفظك .. استاذنا الفاضل ..

    ردحذف
  15. السلام عليكم
    وأنا اعلق على مواضيعك مدري ايش اللي شدرني الى التصنيفات
    ضغطت كذا بالغلط على صيد الكامرا
    وجدت ماشاء الله ابداااااع في التصوير
    وخصوصا التدوينه هذي وتعليقك على صورالاكل المغربي هههههه
    تعليقات في محلها :d
    الله يوفقك يارب
    تحياتي لك

    ردحذف
  16. عليكم السلام ورحمة الله
    هذا من فضل الله الابداع ثم بفضل دعم وتشجيع الجميع بلا استثناء
    اما عن التعليقات .. فغالبا ماتخرج في حينها
    ويوفقك ويسستر عليك
    احترامي لك ولشعبك المحبوب

    ردحذف