الأربعاء، 3 يونيو 2009

تصاوير 4

يالله انك تحييهم كلهم من ادناهم الى اقصاهم ....
بصراحه انا مبطي عن المدونه لكن متابع عن كثب .....<<<< متعوب عليها العباره خخخخ
اي والله اني مهمل بيتي الصغير ومشغول في ذا الدنيا عسى الله لا يشغلنا الا في طاعته قولوا امين ...
المهم وبما اني كذلك فقررت اني اجدد نشاطي وحماسي اللي خذته المشاغل فمثل ماتعودنا كل صورة ولها قصة وكذا يعني ...
نبدأ على بركة الله بأول صورة وهي تتكلم عن نفسها ...



هذي الله يسلمكم تخبروني يوم اني انزل بوست بعنوان مسافرة اللي هي طبعا امي الله يحفظها ويشفيها ويعافيها ويطول بعمرها على طاعته ..الموهيم وانا طالع من ذيك الديرة ماهي اول مرة اشوف منظر النخيل لكن كنت هذاك الوقت ماعندي كاميرا اصور فيها ولكن الحمد لله الحين غير وقبل غير ... تطورت منفوحه هههههه ... الموهيم قلت لازم اخذ صورة لها المنظر ولكن اعرف انه ماراح يبرد تشبدي بس قلت ان شاء الله اصور النخل اللي عندنا بالعمل ومن فوق هام السحب بعد فهذي هي الصور اللي من فوق هام الكتوف ...


ومثل ماتعرفون فوائد النخيل وماتنتجه وعلى فكره ترى هذا وقت الثمار الحين الله يازين الرطب خصوصا الاخلاص يالبيه واذا كانت القهوة عليها شوي زعفران مع عويدي (المسمار) ولغير الناطقين بلهجتنا هو القرنفل ^_^ اعرف اشرح ..يعني اصير معلم ...

نجي للكلام اللي يخلي الواحد يقوطر من السعابيل هذاك اليوم قلت لشوفة عيني ( أخيتي .. عسى الله يوفقها ويحفظها ) تسوي لي عشاء لان عملي آخر الليل ...مشكلة لاصرت انسان مهم ...<<يرفع لنفسه >> المهم والله ماقصرت وسوت لنا اصابع لازانيا آآناآآآآآآآآآآآآه شي شي خوقاااااااااق ... وسوت مع بف باستري بالجبن والعسل آآممممممممم لذيذ ... صحيح هو عشاء خفيف لكن خير وبركة ونعمة من الله عسى الله يدومها علينا ويحفظها .... المهم واروح العمل الا وذاك النشمي رفيدزي ( زميلي ) جايب معه حاجه كذا مشهورين فيها أهل جدة ويحبونها حيل .... بدون مانكثر شرح شوفوا الصورة واحمدوا الله على النعم .. لانها فعلا تستحق الشكر ومهما شكرنا الله نبقى مقصرين ..

وهذي ختام هذا البوست ولكن لازم انزلها واكتب تحتها ........

راح الي تخر الارض من هيبة مقامه
راح الي تضيق الوسيعة عند احزانه
راح الي تغار دموعه من كثر ضحكاته
..... رحمة الله عليك ياعمي راحمة واسعة واسكنك فسيح جناته وتغمدك بواسع رحمته وجميع موتى المسلمين

هناك 16 تعليقًا:

  1. احم احم احم.
    من وين ابدا؟
    ابدأ من الاخير..
    الله يرحم عمك والله يسكنه فسيح جناته ويغفر له.ويجمعنا كلنا في الفردوس الاعلى قولوا امين.
    بس سؤال الصورة هذي حق باب داره؟
    ثاني شي بصراحة سالت السعابيل.....
    الصورة الي من هنا والي يشبهو مثلث عندنا في المغرب واسمها (بريوات)وتكون حشوتهم كفتة مع شوية رز وطبعا توابل...وطريقة ثانية يعني تنتمي للحلويات تكون حشوتهم لوز مع القرفة وماء الزهر وبودرة السكر وبعد القلي يتغمس في العسل.
    قلبناها مدونة طبيخ خخخخخخخخخخخخ
    تحمليني لاني كثيرة هدرة
    الموهيم الصور حق النخيل يعني بصراحة انا احب اشجار النخيل وافتقدهم في نفس الوقت.احس النخلة رمز الصبر والصمود.
    واخره مسك وعنبر ودهن العود (شاب طموح) تصويك ممتاز.
    الله يوفقك شد حيلك لتكون مصور عربي مشهور.
    شوف عاد اذا فكرت تعمل معرض فدولة عربية فكر في المغرب اولا.
    ان شاء الله.

    ردحذف
  2. شوي وابكي تعرف ليش

    == حرام عليك خليت لي لازانيا شوي = تموت عليها خخخخخ

    ماشاء الله تبارك الرحمن اجل سرت دب ع هالأكل = لا اله الا الله :P

    تصويرك الطيب بس احلى صوره صورة اكل الفريندز

    شكله يشهي وانا من وشسمه ماكلت شي جوعتني حرام عليك

    = فيس بكى وخلس :P

    بوست طيب منك تسلم يمناك ..

    ردحذف
  3. أولا رحم الله عمك و غفر له و اسكنه فسيح جناته

    الصور حلوه
    و أحلى حاجة الأكل ما شاء الله
    و أعتقد انو الأكله اللي من جده هي المنتو

    تحياتي

    ردحذف
  4. جرب البيف باستري جبن وفوقه مربى فراولة احلى

    اول ماقريت تعليق الصورة الاخيرة
    قعدت ربع ساعة عشان استوعب انا وين قارية هالكلام

    ردحذف
  5. ملح الحياة:
    الله يجزاك خير
    الباب هذا باب الدكان اللي يتجمعون فيه شيبان الحي عنده المسيان ... لانهم مايبون الرسميات يبون البساط احمدي ...
    من ناحية المعرض ان شاء الله اذا صرت مشهور وكدا نبغى المغرب تسوي لي استضافه وتكون هي اول دولة ازورها للمعارض ...
    اسعدني مرورك ...
    ........................
    متهورة :
    ابشري بالعوض بس انتي زوري الاهل بالبيت وابشري باللي يسرك ...من ناحية دب ماني دب بس بس الحمد لله على النعمة ..
    اسعدني مرورك ..
    ....................
    برنسيس او الاميره :
    جزاك الله خير
    الاحلى هو مرورك وتعليقك
    الحواب صحيح ولك حبيتين مجانا ههههه
    اسعدني مرورك ...
    .......................
    كبرياء :
    هههههههههههه نسيت اقولك تم لطش الكلمات بكل ادب
    من ناحية اجرب ابشري ان شاء الله اقول لاخيتي وتسويه ..
    اسعدني مرورك .......
    ......تحياتي ومودتي لكم جميعا ........

    ردحذف
  6. الله يرحمك ياعمي ويسكنك فسيحة جناته

    ياهي ليلة افتقد القمر غاب عمي ولم تغب ضحكاته غاب عمي ولم تغب كلماته

    الله يرحمك ويسكنك فسيح جناتك

    ردحذف
  7. يووووه من زمان عن ذا المكان لي فتره ماعلقت ..

    بس والله الاكل يشهي وبالعافيه عليكم والسمبوسه ذكرتني بأيام رمضااان..

    والله يرحم موتانا وموتى المسلمين ويسكنهم الفردوس الاعلى ..

    دمتـَ لنـا ودامت ابداعاتك ..

    ودي^_^

    ردحذف
  8. احساس :
    مرحبا بوجودك هنا ..
    الله يعافيك
    امين
    دام عزك ونبضك
    تحيتي ^_^

    ردحذف
  9. الله يرحمه ان شاء الله و يغفر له ذنوبه ،،
    و الله يشافي امك و يعافيها ،،

    و يسلم اختك شكله الأكل يممييي ،،
    و عطاري الرطب ،، ليش النخل الي فبيتنا لين الحين ما ظهر شي ؟؟ >_<

    بوست رائع ،،
    دمت بود ،،

    ^_^

    ردحذف
  10. انسانه :
    امين الله يجزاك خير على الدعوات الطيبه ...
    ويسلمك ربي ويخليك
    من ناحية النخل تراه يحتاج الى اهتمام ومتابعه مدري انك لقحتوه والا لا ؟
    الاروع هو مرورك

    ردحذف
  11. صدى الإحساس5 يونيو 2009 1:42 م

    الله يرحمه عمي ويوسع له في قبره صحيح أني ماشفته لكن
    غلاه بالقلب
    بالعافية عليكم الأكل
    والنخل الله يكثره في ديرتنا>>>>^_*

    ردحذف
  12. لوووووووول الطرح جميل :) ومتعوب عليه على قولتك


    الله يعطيك العافية

    ردحذف
  13. صدى الاحساس :
    اللهم امين
    يعافيك ربي
    ايه بس ترى اوب كثرته على قل سنع
    اسعدني تواجدك بين ثنايا بيتي الصغير
    ....................
    طموحه :
    لوووووووووووول التعب على الشبكة العنكبوتية
    يعافيك ربي
    اسعدني مرورك من هنا ...

    ردحذف
  14. السلام عليكم
    تشرفت و استمتعت بقراءة أفكارك ومقالاتك
    فأسأل الله الفتاح أن يفتحلك الطريق لجنة الأفراح

    بالتوفيق
    وإلى الأمام...

    ردحذف
  15. السلام عليكم ورحمة الله وبركاته ..

    الله يرحم عمك ويغمده في فسيح جناته..

    الصور رائعة جدا ..

    كانت هذه زيارتي الاولة للمدونة المميزة وانشاءالله لن تكون الأخيرة ..

    تقبل مروري ..

    ردحذف
  16. المجدد: مرحبا فيك ويسعدني ويشرفني زيارتك لي ..
    التوفيق فالك وفال الجميع
    ودي ومحبتي لمرورك...

    ..............................

    الاجتماعية :
    اللهم امين
    الاروع هو زيارتك لنا ..
    البيت بيتكم حياكم في اي وقت ...
    ودي وتحيتي ....

    ردحذف