تصاوير 19

بسم الله الرحمن الرحيم ..
السلام عليكم ورحمة الله وبركاته ..

شلونكم .. شخباركم .. شلونكم بعد .. وكيفكم بدوني ..؟؟ ^_^ فيس يطلب حرش ..
والله لها وحشة المدونة .. تخبرون اختبارات وكذا يعني .. عسى الله يكتب لنا ولكم التوفيق يارب ..
هذي مجموعة بسيطه .. كانت من نتاج رحلة سابقة الى مدينة الاحساء ( تمشية شباب ووناسة وفلة ) فكان من ضمن الجدول زيارة بعض المواقع الاثرية .. وكان سوق القيصيرية ( القديم احلى من الجديد مليون مرة ) اللي جددوه بعد الحريق .. طبعا حاولوا انه يكون نفس الطراز والشكل وكل شي .. لكن مافي مثل قبل يعني مافي مثل زمان اول .. المهم الصورة اللي تحت السطر مباشرة ( مسوي انها بعيده يعني .. ههه) عبارة عن سقف ( مسوي جايب اختراع جديد .. )

وبعد اللفلفة في ممرات السوق اللي مابعد يخلص .. ( ابشركم قريب يخلص ويسوون له افتتاح ويباشرون التجار نشاطهم ) .. المهم خلف السوق بعض البيوت الاثرية وكان هذا الباب اول شي قابلنا ..

مثل ماتشوفون هذا البييت الطيني .. مازال قائما حتى لحظة التقاط الصورة .. وان شاء الله يجيه الدور ويهتمون فيه هيئة السياحة والاثار ..


اما هذا الممر كان في سوق القيصيرية بعد ماخذنا لفة عند البيوت اللي قلت عنها بس للاسف ماقدرت اخذ صور كثيرة لان الوضع مرزي ومايساعد ولايحمس انك تاخذ صور ... فرجعنا يم السوق وكان الممر هذا طريق عودتنا للسيارة لاستكمال مشوار اللفلفة ..

وبس هذا اللي عندي الحين .. وان شاء الله نرتب على طلعات جديدة واماكن جديده ماسبق لي زرتها ..