Carbon

السلام عليكم ورحمة الله وبركاته ..

كيف حالكم ..؟ ان شاء الله مبسوطين ..؟

الله يسلمكم ... عندي مويضيع صغير .. عن التواصل ... بس مو التواصل الاسري ...!!!

التواصل بين الجيران .. واهل الحي ...

كنا تقريبا قبل سنتين نسكن في حي يعتبر شعبيا .... عشنا فيه احلى ايام حياتنا من طفولتنا الى قبل ماننتقل منه ... كان يميز هذاك الحي والاحياء المشابهه له .. التواصل بين الجيران .. حتى وان كان بينك وبين جارك مشكله يبقى فيه تواصل فيه سؤال عن بعضنا البعض .. كنا نتقابل بعد كل فرض نسأل عن بعض نخدم بعض .. نهدي بعض .. لو نقص عليك شي في بيتك تعال وخذه من عندي وانا نفس الوضع .. كانت في لحمه ( من التلاحم لاحد يفكر اكل ) كنا نعرف بعضنا البعض .. اذا دخل غريب في الحارة يعرف بمجرد دخوله ..

لو تغيب عن بيتك كرجل ماتخاف على اهلك ابدا .. حتى الحريم مايخافن .. لان في جيران لهم مثل الاخوه .. رغم اننا في مدينه ..( لانه من المتعارف عليه ان العاده هذي ماتتواجد الا في القرى والهجر .. اما المدن غلبت عليها المدنية وتخلت عن بعض عاداتها وتقاليدها ) لكن موجوده .. كنت ازور بعض الاقارب والاصدقاء في احياءهم ماكنت اشوفها الا نادرا ... واذا سألت الشخص عن جاره قال ماعرفه ومافي علاقه بيننا ... ليه طيب ...؟ وش السبب ..؟

كنت اقول في نفسي الحمد لله احنا بخير .. متكاتفين حتى لو اذاني جاري والا اذيته ... نبقى متحابين متكاتفين ... لكن ....

من اول مانقلنا الى البيت الجديد ... او بمعنى اصح الى الحياة الجديده .. تغيرت الاوضاع .. جاري الملاصق لبيتنا ماعرف من اسمه غير الكنيه ... ؟ ... يمكن مافي من الجيران اللي حولي الا واحد او اثنين هم اللي بيني وبينهم تواصل .!!!!

من بداية مانزلنا في البيت الجديد ... كنت بعد كل فرض وانا راجع للبيت اذا صادفت احد الجيران ... اسلم عليه ... السلام عليكم .. مايرد السلام ... وبعضهم يعطني نظرة من فوق الى تحت ويصد .. ليه طيب ..؟ ترى مابي منك شي انت ووجهك ...

لي جار له من اسمه نصيب ... اسلوبه حسن وتعامله حسن .. واذا غبت يسأل عني .. اذا غاب الوالد عن المسجد سأل عنه .. ويبلغ جماعة المسجد اللي الى الان بعضهم ماتنزل شوي وتكرم علينا عشن نتعرف عليه ... وفوق هذا شين وقوي عين يجي يسأل عن ابوي .. !! اما حسن لو ماسأل ما اعتب عليه لاني اعرف الاعمال اللي عنده والمشاغل .. ومع هذا يسأل ويعتذر ان ماعنده علم ..

هذا الحسن .. صادف مره اني طلعت معاه مشوار .. ( مو اول مره ) .. كان عنده شغيل بسيط و سويناه .. المهم فاجأني بهدية بسيطه .. من وجهة نظري تقوي العلاقة بين الجار وجاره اكثر من اي وقت مضى ... ( وانا ماقول كل واحد لازم يهدي جاره هديه ويروح السوق ويشتري ويسوي لنفسه زحمه ..) قد تكون الهدية .. الابتسامه الدائمه .. السؤال عن احواله .. عن ابناءه .. عن اي شي هو يحب ان تسأله عنه ..

اتمنى في يوم من الايام ويكون قريب ان شاء الله .. ترجع العادة اللي تعودنا عليها في الصغر وفقدناها ونحن كبار .. مع العلم اننا نحتاجها في الكبر اكثر من الصغر .. الترابط بين الجيران .. بين ابناء الحي .. التواصل ..

* ادري العنوان ماله دخل بالموضوع بتاتا البته ... ^_^

هذا الحسن اهداني عطر ..( اسأل الله العظيم ان يطيبك من طيب الجنه يا بو ماهر .. ويفرج عليك وييسر لك امورك ..)

صورته وقلت انزل عن الحسن وعطره .. من باب الشكر ..

ومن لايشكر الناس لايشكر الله ..

كلمة صغيرة في حروفها .. كبيرة المعنى ان خرجت من الاعماق ... شكرا .. بو ماهر ...

تصاوير 11

السلاااام عليكم ورحمة الله ...

شلونكم ياجماعة .. ان شاء الله مرتاحين .. اهم شي انتوا مستانسين ..؟ ..

شلونكم مع الطلعات والدوجان في الاماكن الزينة اللي ترد الروح ...؟

هذا الله يسلمكم قبل كم يوم تقريبا 3 ايام .. المهم اتفقنا نحن مجموعة شباب .. قرقرنا نروح ... شاطئ نصف القمر وفي رواية اخري الهاف مون وفي رواية ثالثة البحر ... ^__^

المهم والله الربع ماكذبوا خبر وانا واياهم ^_* .. وطلعنا واستانسسنا وانبسطنا وفليناها على الاخر .. وانا نسيت نفسي مع عظمة الخالق وجمال الصورة الربانية ... سبحان مبدعها ...

المهم طبعا قبل مانجلس مرينا على الطعوس ( القص ) المهم خربناه شوي ثم صورنا كم صورة ثمن اتجهنا لمكاننا المحدد ..

وجلسنا على الشط .. جالسة اتمشط .. جاها الواوي .. قالها قومي .... هههههههههههههههههه ... المهم .... كان الوقت قريب الغروب لاننا ياحظي انت واياه طالعين من العمل واتجهنا للبحر ..

وشدني تدرج الألوان سبحان مبدعها ... طبعا ازريت اصور مثل المحترفين الكبار ... لكن ان شاء الله اني احترف مثلهم ... ولا انحرف .. .. ^_^

وهنا يوم انها قالت لي فمان الله ... قلت الوداع وخاطري منك ماطاب .. .. * _ *

اما هذي قمت خل اسوي مثل مايسوون بعض ناس يكتبون على الثرى .. وكتبت حاجه اذا شفتوها زين علموني .. .. > _ <

وهنا اقول لكم استمتعوا بالاجواء والمناظر الربانية ولاتفوتنها ...

في حفظ الرحمن

تصاوير 10

بسم الله الرحمن الرحيم ..

اولا وقبل كل شي ... احببت ان اطمن من سأل عن والدي .. انه بخير ونعمة من رب العالمين .. وقد خرج من المشفى .. ولا انسى ايضا ان اشكر كل من اتصل بي هاتفيا .. او ارسل رسالة بالبريد الالكتروني .. فلكم جزيل الشكر والامتنان وهذا دليل على عظيم اخلاقكم وطيب قلوبكم .. ادامكم الله في عز وهناء وسعادة ..

ثانيا .. قبل يومين وتحديدا يوم الجمعه وتقريبا كان الوقت بعد صلاة الفجر .. >> تعبت وانا احتسي فصحى <<< المهم صادف وقت طلعتي من الدوام وكان الجو رهيب من جهتين .. الجهة الاولى رهبة الرعود والبروق .. يا الله كان شي خطير ... سبحان خالقها ومكونها .. والجهة الثانية كان الجو رهيب من ناحية البرودة والهواء الذي يرد الروح ... والله وتمسك معي الا اصور ..

طبعا ماخاطرت بعمري وصورت من اول ماطلعت من العمل لان الطريق مشاكل وعفسه ...

المهم والله وبدينا على بركة الرحمن .. وكانت اول صورة من جهة جامع الامام فيصل بن تركي .... وتلاحظون كيف الوان السماء ..

ثم اتجهت غربا باتجاه طريق الامير نايف .. وتشوفون طبعا تحويلات وعفيسه ... > _<

وهنا بقيت صامدة رغم قوة الريح .. ويبدوا من خلفها .. ابراج مبنى التلفزيون ..

وهنا شي عجيب .. الشمس .. والغيوم .. وسبحان الله ..


وهذي تابعة للي عند الجامع بس من جهة ثانية ... ^_^



وبس ..
شكرا لكل من مر من هنا .. شكرا لك من سأل .. شكر للجميع

تصاوير 9

سلام الله عليكم ايها القوم ...

كيف حالكم ..؟ عساكم متدفين زين عن البرد ...؟ ترى حن ماجانا برد للحين .. ماغير هبايب ...

طبعا صاير لي فترة وانا متغير .. مدري وش صايبني ...( ادري بيقولون عين .. هذا حنا يالعرب ... اي شي قالوا عين .. ) الا على طاري العين احس .. لا ما احس .. الا متأكد ... ثلاث ارباع الشعب يعاني من العين .. الله يفرجها علينا وعليهم ويكفينا شر ماهو قادم..

عموما احباب قلبي لا احد يدقق ....

مثل ماتعودنا من يوم فتحنا البقالة اقصد المدونة .. خصوصا اذا كان الموضوع مثل ماهم مكتوب فوق ..,,( عجزان لايكتبه مره ثانيه .. ) ههههههه المهم كل وشسمه له شسمه ..

نبدأ على بركة الله ..

هذا الله يسلمكم يمكن قبل شي اسبوعين تقريبا .. قررنا نحن ال بيتنا ... نتجمع عند باب العماره .. اقصد في الحوش .. وفي رواية اخرى تهوية .. وفي رواية شاذه .. برندا ... المهم كان الجو عليلا وجميلا وكل ابو الصفات الحميده كانت فيه ذاك اليوم .. المهم و تجمعنا الحمد لله .. وقرروا آل بيتنا انهم يجيبون شي يوكل في ذيك الحزة ... والله وماقصروا وجابوا لنا اللي بالصورة اللي بعدها ...

اي صح نسيت قولوا ماشاء الله .. لاتجينا عين ... ^_* ....

طبعا الصورة هذي مدري وش موقعها من الاعراب لكن تعبر عن نفسها ....

من لايشكر الناس لا يشكر الله ... هذا الله يسلمكم ... قبل شي اسبوع تقريبا .. كنت عازم لي شباب على العشاء .. المهم والله ماقصروا الاهل .. وخصوصا اختي .. فتاة الثلاثين .. سابقا ^_^ علبة ألوان حاليا ^_* وتكفلت بالمهمة وابدعت عسى ايدينها وايدين اللي عاونوها ماتويج على النار ...

شكرا أبي ... شكرا أمي ... شكرا أختي .. شكرا للجميع ..
سمو على واجبكم ... واسمحونا على القصور .. لاحد يستحي يالربع .. ^_^

حي الله من جانا .. ابرك من يجينا .. يالله حيهم ..

اما هذي الصورة عجيبة .. سبحان الله .. تحديدا قبل يومين بالضبط كانت هناك امطار على مدينة الدمام وكنت وقتها في العمل وكان الوقت تقريبا الساعه 11.30 مساء او زيادة .. المهم كنت واقف وماسك الكاميرا اشوف الاعدادات فيها وكانت الدنيا تبرق .. المهم قلت ابغى اصور البرق مثل اللي اشوفه في صور المحترفين .. المهم وانا احاول صورت تقريبا 40 او 45 صورة للبرق ماطلعت الا بالصورة هذي .. وكأنها في الصباح او بداية الاشراق ..









نشوفكم على خير في الحلقة القادمة .. تابعونا ..

احد العظماء ..

بسم الله الرحمن الرحيم ..

الحمد لله الذي انعم علينا بنعمه التي لاتعد ولا تحصى .. الحمد لله الذي وهب لنا البصر .. الحمد لله الذي وهب لنا البصيرة ..

احبتي زوار مدونتي ...

لقد سبق لي أن قرأت كتاب عظماء غيروا مجرى التاريخ .. وأعجبت بقصصهم .. والمواقف الصعبة التي تجاوزوها .. بإيمانهم .. وقوتهم الكانة في دواخلهم ..

اليوم وتحديدا قبل ساعة من كتابة هذا الموضوع حصلت على مدونة احد العظماء الذين لهم حق علينا ان نسطر تاريخهم بماء الذهب ..

احد العظماء الذين ليس بغريب انهم يتخطون عقبة تصيبهم .. مثلا هناك الشيخ العلامة عبدالعزيز ابن باز .. قد كان فاقد للبصر .. ولكن الله عوضه بالبصيرة .. عوضه ان يرى من خلال قلبه وعقله .. اليوم زرت مدونة احد العظماء اسمه فيصل الغامدي .. وقرأت فيها بعض المواضيع ولكن اكثر ما شدني موضوع هو كاتبه .. عام من التدوين .. اكتشفت من خلاله انه فاقد للبصر ..

ولكن الله سلم له وعوضه بالبصيرة .. هؤلاء هم العظماء .. لقد اجرى الدمع من عيني .. ليس شفقة عليه .. لا والله .. انما شفقة على حالنا .. شفقة على انفسنا ... لقد اخذ اليأس مبلغه عند بعضنا .. رغم مانقرأ وما نسمع عنه .. الا اننا سمحنا له بالتمكن من قلوبنا ..

لعلي هنا ومن خلال هذي المدونة الاكثر من رائعة ان تكون بداية الانطلاق لنا .. ونهاية لليأس .. وان نكون ايضا مغيرين للتاريخ وللافضل بكل تأكيد ..

هذا وهورابط المدونة لمن لا يعرفه

http://faisalit.com/blog/

تحياتي لكم جميعا .. والى التقدم الذي ينتظرنا جميعا ...

في امان الله ..

صوغة الحجاج

السلام عليكم ورحمة الله وبركاته

اسعد الله اوقاتكم بكل سعادة وفرح ...

هذا الله يسلمكم امس صادف وصول حجاجنا من رحلتهم الايمانية عسى الله يتقبل حجهم ويقبلهم عنده ...

المهم كان من ضمن امتعتهم صوغة ( هدية ) حجاج ومن بينها حاجة قديمة مررررة .. امي الله يطول بعمرها على طاعته تقول ان جدي الله يغفر له كان يجيبه لهم اذا رجع من الحج .. وللمعلوم نفس المواد سابقا هي نفسها حاليا ... يالله ذكريات الكل امس عاش الماضي البعيد والقريب ... فحبيت انكم تشوفونها ويمكن احد الزوار مالحق عليها او ماشافها ففرصة يشوفها الحين ...

تمنياتي لكم بالسعادة والعودة للماضي ...

هذي صورة الحلويات او المكسرات سموها مثل ماتبون هي اللي قديمة

هذي مجموعة كاملة للهدايا ..

معايدة

السلام عليكم ورحمة الله وبركاته

كل عام وانتم بألف خير ...

كل عام وأنتم الى الله اقرب ..

كل عام وأحبابكم ينعمون بوافر الصحة والنعيم من لدن الحكيم العليم ..

لقد شارف العام على ان يطوي صفحاته بمافيه من خير ونقيضه .. نسأل الله قبول العمل الصالح من الجميع وأن يعفو وبغفر لنا ماارتكبته أنفسنا بقصد أو بدون ...

صراحة لا أخفيكم أني أشعر برغبة في البكاء ... وذلك لأني لن اكون في مصلى العيد كعادتي من اول وقت الفجر .. ولن أتمكن أيضا من صلاة الجمعة وذلك بحكم طبيعة عملي ... نسأل الله أن لايجرمنا الأجر وأن يقبلنا عنده ...

ولكن مايزيح هذا الحزن .. أن ابن أخي ... محمد... قد خرج من المشفى بسلامة من الرحمن وأسأل الله جل في علاه أن يشفيه ويعافيه ويديم عليه الصحة والعافية انه سميع مجيب ..

أترككم في رعاية من الله .. ولاتنسون أن تفرحوا بعيدكم ولاتنسون اخوانكم من الدعاء وخصوصا من يعملون على الثغور ..فهم في أمس الحاجة للدعاء ..

دمتم في سعادة وعيد يتلوه عيد وانتم في رعاية الله وحفظه ومنه وكرمه

ولقد عادت ...

السلام عليكم ورحمة الله وبركاته ...

احبتي متابعي مدونتي الصغيرة ... من شدة فرحي لعودة اختي فتاة الثلاثين للتدوين .. احببت الجميع ان يشاركني الفرحة ..

اتمنى من الله العلي القدير ان يديم عليها السعاده والهناء وان تكون هذه الفترة فترة انطلاقة متواصلة وفيها نشاط وحماس .. ونعلن لفتاة الثلاثين اننا ننتـظر المواضيع التي اعتدنا منها ان تطرحها لما فيها من الفوائد العظام ...

احبتي اكتب لكم وانا على عجل من امري .. ولكن الفرحة طلبت مني ان يشاركني الجميع ....

دمتم في حب وهناء وسعادة وطاعة للرحمن ..

هذي صورة قدوع لمن مر من هنا ...

هذي هدية صوغيرة مني لفتاة الثلاثين ^_^

بشارة

السلام عليكمورحمة الله وبركاته

اشحالكم .؟ طيبين .؟ عساكم بس مو مرضانين من الانفلونزا ... انفلونزا البعارين ..

بصراحه .. اليوم ماعندي شي بس حصل موقف وحبيت الكل يشاركني فيه ...

انا كنت مسافر لأجل زيارة خاصة مع أمي الحبيب وعيادة مريض .. المهم وحن بالطريق وصلتني رسالة .. تقول ...

ابشركم رزقني الله بـ بنت ..

هنا اانا اقول وكل من يمر من هنا اتمنى منه ان يقول معي ..

بارك الله لك في مارزقك وجعلها من الصالحات .. وجعلها معينة لك على طاعة الرحمن ...

كما ابارك لأخواتها ولجداتها وجدها وعماتها .. بالمولودة الجديده التي اتمنى ان يكون خبرها فال خير على الجيمع ...

اترككم في رعاية الرحمن

طبعا لاحد يقول اني هذي بنتكم .. مب بنتنا ذي .. بس عشان متعود احط صورة وانا اليوم انزل البوست من غيري جهازي ومكاني المعتاد ....

الهدره المغربيه 2

السلام عليكم ورحمة الله وبركاته

اسعد الله اوقاتكم بكل طاعة وخير وسعادة ونجاح وراحة بال ...

شلونكم ؟؟ شخباركم ؟؟؟؟ انا بصراحة مقصر في حق المدونة كثير بحكم الاشغال الواجده والكثيرة ...

كنت غافي لي ساعة عقب ماجيت من العمل .. الا وكأن في احد يقول وينك ياشاب ماكتبت مواضيع ولا شي ..؟ وش فيك .؟ وش اللي صاير ..؟ وبعدين تعال لاتقول ماعندك جديد مرة ثانية .. انت كتبت موضوع من قبل وقلت بتكمله وين التكمله ..؟ اها بس قم وخلك نشيط واكتب هالموضوع الصوغير .. طبعا مثل ماتشوفون العنوان فهذا الجزء الثاني .. عن الهدره = الهضره = الكلام = الحكي .. لكن بلهجة اهل المغرب الاعزاء والاحباب ...

نوض = انهض او قم

نطيب (بتشديد الياء ) = نطبخ

صافي = خلاص

حدايا (بتسكين الحاء) = بجانبي

غادي = رايح ...

تهلا فراسك = انتبه لنفسك

عيطـتـلك... بتشديد الياء ( عيطت لك ) = اتصلت بك

بللاتي ( تشديد اللام) = اصبر او انتظر شوي

شنو كدير ( تشديد الياء) = ماذا تعمل

عافاك = تكفى ... تكفى ترى تكفى تهز الرياجيل ... ^_^

هذي الكلمة لي انا .. درواي .. تطلق على الشخص الاسمر .. ^_^

اما هذي مارا اكتب معناها واتركها على فالها يمكن تتفسر في يوم من الايام ..

طبوز ( بتشديد الباء ) ههههههههههههه

الى هنا ونكتفي لاني مزروب مره وان شاء الله اللي طرحنا يكون بركه ... للي يبغى يتعلم من عباد الله ..

تصاوير 8

السلام عليكم ورحمة الله وبركاته

اسعد الله اوقاتكم بكل خير وسعادة وطاعة ..

كما تعودنا من قبل مجموعة صورة ولكل صورة موقف او قصة ....

نبدأ على بركة الرحمن ...

هذي الصورة لصالة شقه بعد صبغها وتعديلها ...

أما هذي الصورة قصتها دائمة ... امي الله يطول بعمرها وعمر أمهاتكم ... دائما تحط الحاجه اللي تحت في الصورة .. وهي عباة عن ..

ريحان .. وفي رواية اخرى مشموم ... + وردهـ واحيانا ياسمينه واحيانا فلة .. بضم الفاء .... وتحط الحاجات هذي في كل قرنة وفي رواية اخرى في كل زاويه ... وعلى الطاولات وكدا يعني .. المهم انها من انتاج البيت قولوا ماشاء الله ...

اما الشي اللي تحت هالكلام ... هذا من انتاج او بمعنى اصح شغل المطعم اللي ذكرنا في بوست سابق افتتاحه ... المهم طلب مني صاحبي ورفيق دربي صاحب المطعم اني اصور بعض الاكلات الجديده بالنسبة للسوق ونادرا المطاعم تعملها .. كان من ضمنها هذا الشيء اللي اسمه .. رطب رطق ... بكسر الطاء .... المهم بعد التصوير نزلت الصور على فلاش ميموري عشان عندهم خطة انهم يعملون بروشور للاكلات الجديده يتضمن الصور ... المهم يوم انه راح للمطبعه وشافها السوداني هههههههه قام يقوطر الله يهديه زين انه ماخرب الصور بس ههههههههه المهم السوداني ماتحمل شكل الصورة ودايركت على المطعم وعلى طلب الاكله وبالهناء والعافيه ...

هذي الصورة قبل كم يوم بس كنت صاحي من فجر الله عشان نوصل احباب قلبي لمدارسهم ... المهم يوم اني رجعت ابى النوم يكون مرافق لي في ذيك اللحظه .. المهم وتمسك معاي الا اشتغل في حديقتي الصوغيرة ويوم خلصت شغل الا تمسك على التصوير .. وطلعنا بعدة صور طيبة لكن نكتفي بذي وهي اهداء لكل من مر من هنا ...

تمت الفرحة

السلام عليكم ورحمة الله وبركاته
اول شي اقول ...:
بارك الله لكما وبارك عليكما وجمع بينكما في خير ...
احمد الله على ان متعنا بتعدد الافراح لدينا في العائلة وكذلك لمن نعرفهم من الجيران .. اللهم لك الحمد حتى ترضى ولك الحمد اذا رضيت ولك الحمد بعد الرضى ...
تم بفضل من الله الفرح وكانت خطوبة واسأل الله ان يتمم عليهم بكل خير وييسر امرهم ويكفيهم شر الحاسدين ...
فبطبيعتي الملقوفه صورت الكوشة عدة صور لكن اقتصر هنا على صوره واحده ... والثانيه لنفس الصورة لكن بعد التعديل .... وانتظر ارآء المصورين المبدعين للانتقاد ..لنتعلم ونصبح مثلهم مبدعين ^_^ .... اترك لكم المساحة

هنا بعد التعديل بـ HDR

المفاتيح العشر للنجاح

السلام عليكم ورحمة الله وبركاته

كنت اعكف على قراءة مجموعة من الكتب .. لكن استوقفني هذا الكتاب كثيرا .. حتى انني اعدت قراءته اكثر من مرة .. لاني في كل مرة اجد ان بين سطور ذلك الكتاب اكثر من عشرة مفاتيح .. اقتصر الكاتب .. د. ابراهيم الفقي على العشر .. ولكن من كل مفتاح ادرجت تحته عدة مفاتيح لأستفيد اكثر .. اليكم المفاتيح العشر للنجاح ..

1. الدوافع

2. الطاقة

3. المهارة

4. التصور

5. الفعل

6. التوقع

7.الالتزام

8. المرونة

9. الصبر

10. الانضباط

لعلي هنا اقف عند المفتاح الأول .. الدوافع... هو محرح السلوك الإنساني ..

يقول دنيس ويتلي مؤلف كتاب سيكولوجية الدوافع .. تتحكم رغباتنا في دوافعنا وبالتالي على على تصرفاتنا .. من ذلك ينتج انه من الرغبة هي أول قاعدة للنجاح فالرغبة هي غرس البذور في أرض النجاح وسر ذلك النجاح هو الرغبة المشتعلة ..

يقول الدكتور ابراهيم كيف تنشط الدوافع لديك أيها الانسان .. بخمس خطوات .. بسيطه ومفيده في غير الداوفع أيضا ..

التنفس .. اخذ شهيقا يساوي العد الى اربعة ثم اخراجه بزفير ايضا يساوي العد الى اربعة وتذكر ان تتنفس بهذه الطريقة دائما ولاحظ الفرق .. ( جربته فعلا هناك فرق)

وضع الجسم .. كن دائما مفرود الكتف ورأسك مرفوعة .. ( جربتها ووجدت صعوبة في البداية ولكن سهلت مع الممارسة وساعدت في تطبيق عملية التنفس )..
التأكيــد .. ردد في نفسك أن قوي .. ومن تجربتي رددت ايضا عبارات اخرى انا استطيع ..انا قادر على فعل الشيء .. وغيرها
ربط الإحساسات .. اي كن واثقا من تأكيداتك واربط شعورك بكل حواسك .. بمعنى لاتقل انا قوي بطريقه ضعيفه او مشككه ..بل قلها بحماس وثقة ..

اخيرا .. الربط .. بمعنى ربط موقف بمكان او غيره .. مثلا عندما ترى عطرك المفضل يخطر على بالك الشخص الذي اهداه لك ..

هناك عبارات جميلة بين ثنايا الكتاب احببت ايضا نقلها ..

تذكر دائما :

عش كل لحظة كأنها آخر لحظة في حياتك .. عش بالإيمان .. عش بالأمل .. عش بالحب ..عش بالكفاح ..قدر قيمة الحياة
كن مرناً...

اصبر فالصبر افضل علاج لحل المشاكل ..
الناجحون يتراجعون ..والمتراجعون لاينجحون .. (( لا تيأس))
لن تنجح ابدا اذا لم تبدأ .. ولاتجعل اي مشكلة تكون حجة لعدم التصرف .. فبعد العاصفة تطلع الشمس .. والإشراق يأتي دائما بعد الظلام ..والشتاء يتحول دائما الى صيف ...
لاتنتظر الثناء ..( لو انتظرت تقدير الآخرين لوجدت خداعا كبيرا )

ماينشده الرجال السامي يجده في نفسه .. وماينشده الرجل العامي يجده في الآخرين....

الى هنا اكتفي بهذا القدر لأن مهما نقلت عن الكتاب .. لن اكون وافيا له ابدا فهو كتاب قيم جدا جدا ..انصح كل من مر من هنا ان يقتنيه بل ويهديه لمن يحب ... لذلك احببت ان اهديكم بعضا منه واعتذر عن التقصير ..

عيدكم مبارك

السلام عليكم ورحمة الله وبركاته
كل عام وانتم بخير ..
تقبل الله منا ومنكم صالح الاعمال .. وجعلنا الله واياكم من المقبولين عنده ومن عتقائه .... اللهم امين
ونسأل الله ان يعيد شهره الكريم علينا اعوام عديده ونحن واياكم في صحه ونعمه وعافيه من عنده ..اللهم امين
... اشكر كل من سأل عني .. اعرف اني مقصر في دخول المدونه والمشاركه معكم .. لكن طبيعة عملي فيها صعوبة قليلة .. لكن الحمد لله .. وبما اني دخلت هاليوم قلت فرصه ماعندك الا هالوقت نزل بطاقه تبارك فيها الجميع .. وعشان كذا اقدم لكم هدية صغيرة واسمحوا لنا على التقصير ...

في بعض ناس بيقولون الصور قديمة شوي بس الجود من الموجود ^_^

تصاوير 7

السلام عليكم ورحمة الله وبركاته
اسعد الله اوقاتكم بكل خير وسعادة وراحه.....
اليوم جاي أجدد نشاطي لأني صاير كسلان هاليومين اللي راحت فقلت لازم نجدد نشاط وعهد بالمدونه وزوارها اللي لهم حق علينا ..
طبعا مثل ماتعودنا من قبل صورة ولها قصه اول موقف ..... نبدأ على بركة الرحمن ....

هذي الله يسلمك شوي خفايف للطريق يوم اني اروح مكه انا واخيتي ... وفي النهاية ههههههه ماحد اكل منه كثير ...

وهذي صورة لأحد الجبال في منطقة ميقات السيل الكبير .... ^_^



وهذا ضلع ثاني بس في منطقه سلسلة من الجبال على الطريق الواصل بين الطائف ومكه المكرمه ....



وهذي بطاقه الباب للغرفه اللي سكنا فيها ... طبعا احم احم اسمي فيه ... *_^



وهذي صورة من مجموعة صور للغرفه لكن نكتفي بواحدة ... ^_^

وهذي الصورة ههههههههههههه عشان بعض الناس يتحدون في صور الأكل هههههههه ... طبعا هذي بعض المأكولات الشعبية من مطعم زميلنا العزيز ... الله يوفقك يابو سيف ويوفق رفيقك اللي في بالي ... *_^

رحت وشفتها ...

السلام عليكم ورحمة الله وبركاته ...

اول شي اعتذر منكم زواري الكرام شديد الاعتذار لاني متأخر في مباركة الشهر وطرح الموضوع لكن تجيكم القصه ...

مبارك عليكم الشهر الفضيل شهر الخير وجعلكم الله من صوامه وقوامه وعتقائه .. وبارك لكم في الايام اللي مضت ويبارك لكم في الايام القادمه واعانكم على صيامها وقيامها .....

هذا الله يسلمكم ...كنت مسافر الى بيت الله الحرام من قبل رمضان .... ورحت عشان اشوف حبيبة الكل ... وهي اللي ماخلتني ابارك لكم واتواصل معكم ..... طبعا بدون كثر حكي ماله داعي ...

كيف حالك يا ..... ؟؟؟ وشلونك.....؟؟؟؟ هههههههههههههه

عادي سؤال مر في بالي وانا اكتب البوست لاحد يشيل همه ....

المهم هذي الصورة اللي حدر هالسطر كانت اول يوم وصلنا فيه مكه الصبح واحنا رايحين ناخذ عمرتنا ...

اما هالصورة هي حبيبة الكل ...الله يحميها ويحفظها ....

وه بس ياقلبي عليها .. تشرح الصدر اذا شفتها يالبى قلبها فديتها ... صورتها وانا نازل لها ...

اما هذي وانا على الدرج نازل يالبى قلبها ماقدرت اشوفها وما اصورها .... طبعا هالصوره واللي قبلها كانوا تقريبا قبل صلاة العشاء

اما هذي لها قصة عجيبه سبحان مبدعها ... كان هذاك اليوم يوم جمعه اذا مااخانتني الذاكرة ... كان الجو صافي وكانت الساعه 4 عصرا وكان الهواء حلو ... المهم شوي وانا اتمشى في ساحة الحرم انا و اختي .. الا السماء مثل ماتشوفون تحت واكثر من كذا بعد .. شوي الا الدنيا ظلام يعني ماجات الساعه 5 الا الدنيا ظلام سبحان الله شي عجيب غريب وهواء ..لالا مو هواء الا قولوا عاصفه شي لايصدق المهم ان كل اللي كانوا خارج الحرم صاروا داخل ... والاغلب كانوا متوجهين للكعبة وراح اوريكم تصوير فديو قصير ..وفجأة سبحان الله في ثواني نزل مطر واستمر تقريبا من الساعه 5 الى الساعه 6 او زيادة شوي المهم وقتها انا انشغلت وماقدرت اصور لكم المطر لكن ان شاء الله اشوف اذا موجود صورة او مقطع لو شي بسيط عن الامطار ... الحمد لله على نعمه وعطاياه ...

اترككم مع المقطع الصوغير ....

تـم الافتـتـاح

اسعد الله اوقاتكم جميعا بكل خير وسعادة وفرح وتحقيق اماني ...
هذا واحد من الزملاء المقربين ..الله يبارك له ... الرجال عزم وخطط وبدأ التنفيذ ... والحمد لله تم الافتتاح ... كان يعلمني بكل خطوة يسويها .. كانت فكرة في المخ ... اصبحت على ورق ... بدأ التخطيط والعزم ... بدأ وضع اول قدم على السلم ... تم التنفيذ.. انتظرنا الافتتاح ... فترة ليست قصيرة لكن بحمد الله تم الافتتاح .... الله يبارك لك في رزقك ويزيدك من نعيمه ياخو قلبي والله انك تستاهل كل خير .. عسى الله يوفقك وييسر امرك ويفتح ابواب الرزق .. الموهيم انتوا مالكم في الطويله .... اللي يبي يروح للمحل يرسل لي رساله وانا اتوصى فيه ^_^ المحل ياطويلين العمر والسلامه ..... مطعم للمأكولات الشعبية ... *_^ نقهر بعض ناس ... بس ماعليه نصير كرماء والغداء على حسابي ... اسم المطعم ... دار الحجر للمأكولات الشعبية .. الاسم يرمز الى مكان مشهور في دولة اليمن الشقيقه .. وهو تراثي وقائم ... ويمتاز باللون البني الغامق لذلك تم وضع لمسات بسيطه للمحل بنفس اللون ..... اضع لكم بعض الصور واعتذر عن عدم وضعها كامله لضيق الوقت ... ولتعذرني اخي لعدم وضع الصور كاملة ...

بالصحه والهنا يا اللي تشوفون ... *_*

واجهة المحل

قائمة الاسعار



ركن الطاولات وعليها مفرش بشكل الغترة

ركن الجلسة الأرضية مزين بالسفرة القديمة

لغتي الثانية

السلام عليكم ورحمة الله وبركاته ..
اسعد الله اوقات الجميع بكل سعادة وهناء .. اشتقت لكم ولمدونتي ولزواري ولكل ابو شي هنا في البيت الصغير .. طبعا اليوم جاي وجايب معي موضوع جديد بالنسبة للبعض ولكن ماذكر اني مريت على مدونه تكلمت عن موضوعي ..

طبعا محدثكم عربي ولغتي عربية لكن عندي لغة عربية ثانية وبشكل ثاني .. ياربي لك الحمد ...

الاكيد ان اغلبنا واغلب من نعرف سليم ومعافي في بدنه وبالاخص لسانه وسمعه ..هناك فئة غالية كثيرا على قلبي .. ولله الحمد والمنه اني كنت شقيقا لأثنين من هذه الفئة ..وزميلا لزملائهم ... لحست مخكم صح هههههه عادي ...
قبل فترة بسيطة دار بيني وبين احد الزملاء حوار طويل عريض ... لكن محور عن ( الصم والبكم ) ... وعن لغتهم لغة الاشارة ... هو يعلم انه لدي 2 من اشقائي صم وبكم .. ويعلم مدى عشقي لهذه اللغة التي يعتقد البعض انها صعبة .. ممكن تكون في البداية لكن هي سهلة ... المهم كان في نهاية الحوار طلب مني اعلمه اللغة ... لكن طبعا الى الان ماصار شي لكني علمته بعض الاشارات البسيطه اللي ممكن يتسخدمها مع الشاب الاصم عشان يعرف بس كيف يتعامل معه بشيء بسيط ...

لذلك وضعت اشارات لاسمي شاب طموح تبين لكم طريقه الحرف وتشكيله باليد ...

لغة الاشارة تعتمد على عدة عناصر ... اولها ان تكون بإشارة كل حرف ... ثم عند نطق الحرف يجب ان توضحه عن طريق الشفاه وهي الثانية .. ثالثا والاهم تركيزك وبالاخص عينيك على الشخص المقابل لك ...
سأكون مقصرا مع هذه الفئة ... لن اتمكن من وضع جميع الحروف 28 ولكن من ارد ذلك فلن يكون صعبا البحث عن افضل المواقع لتعلم تلك اللغة ... اللهم لك الحمد على نعمك الكثيره ... ولك الحمد على سلبك بعض هذه النعم من اخواننا وخاصة نعمة السمع والنطق .. ولك الحمد على تعويضك لهم عنها بنعم اخرى لاتعد ولاتحصى ... اللهم لك الحمد حتى ترضى ولك الحمد اذا رضيت ولك الحمد بعد الرضى ..