عطايا الله ...

السلام عليكم ورحمة الله وبركاته ..

أسعد الله اوقاتكم بكل خير وسعادة وفرح ...

اليوم قررت اغير في الموضوع شوي ... لاني من عشاق هذي العطايا ..

قال الله تعالى (أفلا ينظرون إلى الإبل كيف خلقت ..) صراحة دائما ما افكر في هذه الايه كثيرا وخصوصا عندما اريد ارتشاف قليلا من الحليب .. يالبيه بس ... ( مافي حليب يا استاد ..) . >> مالها دخل هالطلعه .. المهم صراحه اعجز كثيرا عندما اريد وصفها ... والله العظيم ان شوفها يعطي احساس غريب ويهيج اشياء ساكنه في دواخلي .. لكن اختصر كلامي واترككم مع الصور ...

فضـ ( شوق ) ــفـضـــة ..

شــــــوقـــــــــــ

شفتوا الورد كيف لونها حلو .. واللي سبق وشم ريحتها .. كيف هي حلوة .. تدرون من وين خذت كل هالتميز .. خذته .. من امي ..




.....

اللي تصلي الوتر .. في آآآخر الليل ...

انا اشهد ان الليل .. محظووظ فيهآآ ...

في عتمته صارت مثل .. نور قنديل ..

يارب تجزي جنتك .. والديهآآآ ...

........

انا اشهد ان محرابها فقدها ... مر على غيابها 3 ايام .. عسى الله يصبر قلوبنا وترجعين سالمه ... قسم بالله كلنا فقدنا وجودك .. ياجعلك طويلة عمر .. تدرين كل ساعة .. لالالا وش ساعة .. كل ثانية تمر .. كأنها دهر .. عسى الله يمد في عمرك على طاعته ويقدرنا على برك .. البيت اظلم .. رغم وجود شمعته .. ( عسى الله يمد في عمره ) .. حتى الشمعه فقدت وجودك .. ودايم يطل على مرقدك ..
سجادتك .. محرابك .. جلالك .. عصاك .. كرسيك .. كل شي .. حتى جدران فقد حسك ياجعله طويل عمر ..
........
اكتب والدمع متحجر في عيوني ..

البارحه في لذيذ النوم .. لاقيته ..

احلام جابت حبيب الروح .. خداعه ..

فزيت ارحب ودمع العين .. هليته ..

ورميت نفسي وجا راسي .. على ذراعه ..

وقعدت اضمه وفوق الصدر . لميته ..

واثرني اضم الوساده صار لي .. ساعه..!!


........

على قد فرحتي بسماع صوتك كل يوم .. وسماع دعواتك الطيبه .. لكن مايكفيني .. انا .. لالا مو انا بس .. الا كلنا انا والروح واختي وكل من حولي مشتاق لرجعتك بأسرع وقت ..

عسى الله ياجرك ويطول في عمرك على طاعته ويقدرنا على برك ... يا يمه ..

** المعذرة .. كل الحروف تخونني .. وانا اكتب عن اعظم الشخصيات في حياتي .. ارجوا المعذرة لركاكة الكلمات والتعبير .. لكن لعله يخفف مابداخلي ..

دربـ الصمـــآآنـ

السلام عليكم ورحمة الله وبركاته ..

اسعد الله اوقاتكم .. بكل خير وسعادة ووناسة وفلة حجاج ... ^_^

في يوم الاربعاء الماضي ... انطلقنا نحن مجموعة من الشباب .. الى البر .. وتحديدا للصمان .. ( فيضة جغبقه) ..

المهم والله الطلعة ياربي لك الحمد والشكر والفضل والمنه .. كانت ممتعة على انه كان فيها نكبة لكن كان له ميزة ..ودرس .. المهم ... لكم بالطويلة .. والا نختصر المشوار ؟... الظاهر انكم تبونها بالتفاصيل !!... ^_^ ياحبي لكم .. بس .. المهم طبعا انا من سكان الدمام فديتها .. توجهت الى منطقة راس تنورة وفي رواية اخرى ... رحيمة ... والتقيت بأمير الرحلة .. بو مساعد ...( بيض الله وجهك ووجه من عرفني عليك يالذيب .. ) ..( مافي حليب يا استاد ..) طبعا يضبط الحليب .. على الكيف .. المهم وبدينا نرتب الامور ... وتجهيز المواتر وتحميل الاغراض .. وجهزنا الامور الهامة .. مثل جهاز المراسلة ..( اي كوم ) ..وغيرها ..

وبعدها .. التقيت بأخوه .. محمد .. ( الازرقاني ) .. منسم حد الدعسه .. الله يوفقك يالازرق .. خفيف دم .. ومرح .. الله ييسر امرك يالذيب .. وثمن وصل اخو قلبي ورفيق دربي .. واللي عرفني على بو مساعد ...اخوي .. نايف .. بو خليفه ... وعقبها توجهنا لبيت قريب لهم .. لتكملة تحميل الاغراض ..وقابلنا العم .. عبدالعزيز .. الله يمد في عمره على طاعته .. ويصلح له عياله يارب ... والتقيت بأولاده .. وكانوا من ضمن قروب الطلعة ..راشد .. الهادي ... سعد .. بو حلا .. عبدالله ... الشري .. وقريب لهم ... راشد خليل ..( الزول ) .. ههههه ^_^ ..

وبعد تحميل ... الاغراض .. توجهنا الى الجبيل لمقابلة نبيل .. بو احمد .... ومعه مرافقه واللي تعذب معه .. حسن .. بو نوف .. ( نني الصمان ) .. وبعدها انطلقنا بحفظ الرحمن .. الى الصمان .. وكانت الرحلة ممتعة في الطريق .. جدا جدا .. وقبل الوصول .. حصل مالم يكن في الحسبان .. انفجر كفر ( تاير ) سيارة بو احمد .. راعي الاحمر ... وضاقت صدور الشباب الوسيعة .. وقررنا نواصل الرحلة وهي على حالها بعد عدة محاولات ..

المهم وصلنا الى المكان المقصود .. فيضة جغبقه .. وه بس .. وبدينا بحط الرحال .. وشد العيال محازمهم وبدينا نرتب الامور ونشد الخيمه .. وتضبيط المكان .. ومن عقب تقسم الشباب اللي يطبخ العشا ... واللي يسوي الشاي والقهوة .. واللي مدري وش كان يسوي .. واللي كان جنبه يوجعه من الجرح اللي فيه ..مريح على اخر درجه .. ^_^ ... ماغير يصور .. ههههههه هو اللي استمتع يمكن بأغلب الرحلة مريح وكل شي جاهز له ..

وبآخر الليل الشعب رقوود .. وصحينا الفجر .. المهم وعقب الصلاة .. شبة الضو .. واللي يصلح الفطور .. واللي يقطع بصل واللي يقطع طماطم .. واللي كان عليه اكبر دور انه يأكل بس .. هههههههه ... المهم .. وعقبها .. بكم ساعه .. طلعنا مجموعه نبحث عن حل للتاير اللي انفجر بأول الطلعة .. ومالقينا قلنا نروح اقرب مركز للفيضه ونشوف ..وعقبها .. مالقينا شي ... المهم تمشينا وانبسطنا وتسدحنا على هاك الخضار اللي يشرح الصدر .. وانشطحنا .. ورى ذيك السدره .. وتبطح على هالخير الي جا من الله ..

وتصوير ... ووناسه وفلة حجاج .. الله يديمها على كل الشباب اللي كانوا بذيك الطلعة وعليكم يامتابعين مدونتي الاعزاء على قلبي .. ثمن رجعنا قريب العصر ونلقى اللي يقطع اللحم واللي عليه تقطيع بصل واللي يجهز المقادير ..طبعا كله بإشراف الطباخ الكبير .. العم عبدالعزيز ... فديت راسه ..

ومن عقب الليل .. قرروا الشباب يطلعون يجربعون ... ( جربوع .. كائن صغير .. ويصلح مشروع تجاري بعد ... ههههه ) ... وبعد المطامر ومطارد الجرابيع .. وكان بارود له دور كبير ..(طبعا هذا البارود ..كائن حي يقال له سلق .. وهو مخصص للصيد ..) معنا ... ( ماهو للبيع لحد ينشب بحلقي )

عودنا للمخيم وطبخنا عشانا .. وعقبه نمنا بدري لان الجمعه كان اخر يوم للرحلة ... ومن صلاة الصبح ..الكل صاحي والكل يشتغل .. اللي يسوي فطور .. واللي يرتب الاغراض .. واالي نزل الخيمه .. واللي يربط .. واللي مشغول بالتصوير ( هذا شغل بعد .. لحد يهضم حقه ..) ^_^ وعقب ماعينا من الله خير .. وافطرنا زين .. شدينا الرحال للعودة ... ورجعنا من جديد ندور على تاير للاحمر .. هههههههه ياهو قفلها مع العالم كله ... وثمن صرنا مجموعتين عقب العشاء ... مجموعه تروح للجبيل ... ومجموعة تنزل برحيمه ... وطبعا صارت مغامرة مجهولة للي راحوا الجبيل ... وصار غراز .. وبغينا نروح فيها ..لكن الله سترها معنا .. ومشت سهالات ... وهذا فضل من الله ... لان كان معنا العم عبدالعزيز ... كان شفيع لنا عند الحكومه ..( امن الطرق ..) نبي نبعد عنهم ولقيناهم بالوجه .. ههههههههههههههههه والله ياهو .. موقف خطير مره ... كان الاستمتاع لآخر قطرة ... وعقبها الكل رجع لبيته ... ونسأل الله ان يديم المحبة والتواصل والاخاء بين الجيمع .. وان تعاد مثل هذه الطلعة مرات ومرات ...

طبعا انا اتمنى والتمس العذر من الجميع وخصوصا افراد قروب درب الصمان .. لعدم ادراج اكثر من هذا العدد ... وذلك لكثرة الصورة المتوفرة لدي وهي مايقارب .. 1200 صورة ... فأقتصرت على بعضها .. وان شاء الله ستكون هناك تدوينات اخرى بإذن تنزل فيها صور من الرحلة لكن على دفعات ... وسامحونا على القصور جميع من يمر من هنا ...

ولكم مني اجمل تحية ... والى ملتقى درب صمان آخر ... اعذروني على الاطالة المختصرة ... ^_^

*** ملاحظة ... احداثية الفيضة التي اقمنا فيها ...

N 26.3443

E 46.2597

اترككم في رعاية الرحمن وحفظه